ବାରଙ୍ଗଜ: ମଙ୍ଗଳବାର ୨୨ ତାରିଖ ଦିନ ନରାଜ ବ୍ୟାରେଜ ଛକଠାରୁ ଏକଗୋରୁ ଗାଡି ସ୍ଥାନିୟ ଲୋକଙ୍କ ସହାୟତାରେ ଉଦ୍ଧାର ହୋଇଥିବା ବେଳେ ଶନିବାର ଭୋରୁ ପୁଣି ଏକ ଗୋରୁ ଗାଡି ଉଦ୍ଧାର ହୋଇଥିବା ଜଣାପଡିଛି । ଗୋରୁ ଚାଳନ ଦଳ ଏକ ପିକ୍ଅପ ଭ୍ୟାନ ଏକାଧିକ ଗୋରୁ ନେଇ ନରାଜ ରାସ୍ତା ଦେଇ ଯିବବୋଲି କିଛି ଲୋକ ବିଶେଷ ସୃତ୍ରରୁ ଖବର ପାଇଥିଲେ । ଲୋକମାନେ ଗୋରୁଗାଡିକୁ ଯବତ କରିବାପାଇଁ ନରାଜ ଗାଁ ଛକରେ ଜଗିରହିଥିଲେ । ଗୋରୁଗାଡିଟି ଆସିବା ଦେଖି ଗାଡିଟିକୁ ରୋକିବାକୁ ଯାଉଥିବା ବେଳେ ଗାଡି ଚାଳକ ଏବଂ ତା ସାଥି ଗାଡି ଛାଡି ଘଟଣା ସ୍ଥଳରୁ ଫେରାର ହୋଇଯାଇଥିଲେ ଏ ସଂକ୍ରାନ୍ତରେ ଲୋକମାନେ ସ୍ଥାନୀୟ ଗୋଡିସାହି ଫାଣ୍ଡିକୁ ଖବର ଦେଇଥିଲେ । ଖବର ପାଇ ପୋଲିସ ଘଟଣା ସ୍ଥଳରେ ପହଁଚି ତହିଁରେ ଥିବା ୧୦ଟି ଗୋରୁଙ୍କୁ ଗୋଡ ଏବଂ ମୁହଁ ବନ୍ଧାହୋଇଥିବା ଅବସ୍ଥାରେ ଉଦ୍ଧାର କରିଥିଲେ ତେବେ ତହିଁରୁ ଗୋଟିଏ ଗାଇକୁ ମୃତ ଅବସ୍ଥାରେ ଉଦ୍ଧାର କରିଥିଲେ । ବାରଙ୍ଗ ପଶୁ ଚିକିତ୍ସାଳୟର ଚିକିତ୍ସକମାନେ ଗାଇଟିର ପୋଷ୍ଟମଟମ କରିବା ପରେ ଗ୍ରାମବାସୀମାନେ ଗାଇଟିକୁ ନିକଟସ୍ଥ ଶ୍ମଶାନରେ ପୋତିଥିଲେ । ଏଠାରେ ସୂଚନା ଯୋଗ୍ୟ ଯେ ଏହି ରାସ୍ତା ଟି ନିରୋଳା ହୋଇଥିବାରୁ ଗୋରୁ ଚାଳଣ ଦଳମାନେ ଜିବାପାଇଁ ସୁବିଧା ହୋଇଥାଏ