କୋଲକାତା: ପଶ୍ଚିମବଙ୍ଗର ରାଜଧାନୀ କୋଲକାତାରୁ ଜଣେ ପାକିସ୍ତାନୀ ଗୁପ୍ତଚରକୁ ଗିରଫ କରିଛି ପୋଲିସ । ଏହାସହ ତା ପାଖରୁ କିଛି ସମ୍ବେଦନଶୀଳ ଡକ୍ୟୁମେଣ୍ଟ ଜବତ ହୋଇଥିବା ଜଣାପଡ଼ିଛି । ଗୁଇନ୍ଦା ସୂଚନା ଆଧାରରେ ହାୱଡାସ୍ଥିତ ତା ଘରୁ ପାକିସ୍ତାନୀ ଗୁପ୍ତଚରକୁ ଗିରଫ କରିବାରେ ସଫଳ ହୋଇଥିଲା କୋଲକାତା ପୋଲିସ । ଦେଶର ସୁରକ୍ଷା ପ୍ରତି ବିପଦ ଥିବା କାର୍ଯ୍ୟକଳାପରେ ସିଧାଳସଳଖ ଲିପ୍ତ ଥିଲା ଏହି ଅଭିଯୁକ୍ତ । ଦୀର୍ଘ ଘଣ୍ଟା ପଚରା ଉଚରା କରିବା ପରେ ଶୁକ୍ରବାର ବିଳମ୍ବିତ ରାତିରେ ଅଭିଯୁକ୍ତକୁ ପୋଲିସ ଗରିଫ କରିଥିଲା । ତାର ମୋବାଇଲ୍ରୁ ଦେଶ ସହ ଜଡ଼ିତ ସମ୍ବେଦନଶୀଳ ଫଟୋ, ଭିଡିଓ ଏବଂ ଦସ୍ତାବିଜ୍ ମିଳିଥିବା ନେଇ ପୋଲିସ ସୂଚନା ଦେଇଛି । ଏସବୁ ତଥ୍ୟକୁ ସମ୍ପୃକ୍ତ ଅଭିଯୁକ୍ତ ପାକିସ୍ତାନର ଏକ ଗୁଇନ୍ଦା ଏଜେନ୍ସିକୁ ପଠାଇଥିଲା । କୋଲକାତାର ଏକ କୋରିୟର କମ୍ପାନୀରେ କାର୍ଯ୍ୟ କରୁଥିବା ଅଭିଯୁକ୍ତଜଣକ ପ୍ରଥମେ ଦିଲ୍ଲୀରେ ରହୁଥିଲା ।