ସମ୍ବଲପୁର ( ୨୩ |୧):ରାଷ୍ଟ୍ରୀୟ ସ୍ଵୟଂସେବକ ସଂଘ, ସମ୍ବଲପୁର ମହାନଗରର ତରଫରୁ ନେତାଜୀ ଜୟନ୍ତୀ ତଥା ବୀର ସୁରେନ୍ଦ୍ର ସାଏଙ୍କ ଜୟନ୍ତୀ ଅବସରରେ ଏକ ଭବ୍ୟ ପଥ ସଞ୍ଚଳନ ପାଳିତ ହୋଇଯାଇଛି । ଦୀର୍ଘ ବର୍ଷ ଧରି ପ୍ରତିବର୍ଷ ଏହି ଦିନ ପଥ ସଞ୍ଚଳନ ଆୟୋଜିତ ହୋଇ ଆସୁଛି । ଏହି ବର୍ଷ ମଧ୍ୟ ବୁର୍ଲା, ହୀରାକୁଦ ଓ ସମ୍ବଲପୁର ର ୫୦୦ ରୁ ଉର୍ଦ୍ଧ୍ବ ସ୍ଵୟଂସେବକ ପୂର୍ଣ୍ଣ ଗଣବେଶ ରେ ଘୋଷ ତାଳେ ତାଳେ ବୀର ବାଦ୍ୟ ବଜାଇ ସହର ପରିକ୍ରମା କରିଥିଲେ । ସହରର ବିଭିନ୍ନ ସ୍ଥାନରେ ସ୍ଥାନୀୟ ବାସିନ୍ଦା, ମାତା ଭଗିନୀ ଘର ଦ୍ବାର ମୁହଁରେ କଳସ ବସାଇ, ରଙ୍ଗୋଲି ଅଙ୍କନ କରିବା ସହିତ ପୁଷ୍ପ ବର୍ଷା କରି ସ୍ବାଗତ କରିଥିଲେ।