ମାଜୁଲି – ସରକାର୍ଯ୍ୟବାହ ଦତ୍ତାତ୍ରେୟ ହୋସବାଲେ ଜୀ ଶ୍ରୀଶ୍ରୀ ଔନିଆଟି ସତ୍ର ଓ ଶ୍ରୀଶ୍ରୀ ଉତ୍ତର କମଳାବାଡ଼ି ସତ୍ର ଦର୍ଶନ କଲେ

ରାଷ୍ଟ୍ରୀୟ ସ୍ୱୟଂସେବକ ସଂଘର ସରକାର୍ଯ୍ୟବାହ ଦତ୍ତାତ୍ରେୟ ହୋସବାଲେ ଜୀ, ଅଖିଳ ଭାରତୀୟ ପ୍ରଚାର ପ୍ରମୁଖ ସୁନୀଲ ଆମ୍ବେକର ଜୀ ଏବଂ ବିଦ୍ୟା ଭାରତୀ ଉଚ୍ଚ ଶିକ୍ଷା ସଂସ୍ଥାନର ସଂଗଠନ ମନ୍ତ୍ରୀ ରଘୁନନ୍ଦନ ଜୀ ଅକ୍ଟୋବର ୧୩ ତାରିଖରେ ଏକଦିନିଆ କାର୍ଯ୍ୟକ୍ରମ ଅବସରରେ ସତ୍ର ନଗରୀ ମାଜୁଲି ଗସ୍ତରେ ଆସିଥିଲେ।

ସକାଳେ କମଳାବାଡ଼ି ଘାଟ ପାର ହୋଇ ମାଜୁଲିରେ ପହଞ୍ଚିବା ପରେ ଜଳଖିଆ ଗ୍ରହଣ କରି ସେମାନେ ଶ୍ରୀଶ୍ରୀ ଔନିଆଟି ସତ୍ର ଦର୍ଶନ ପାଇଁ ଯାଇଥିଲେ। ଔନିଆଟି ସତ୍ର ଦର୍ଶନ ପରେ ସେମାନେ ସତ୍ରାଧିକାର ପ୍ରଭୁ ଈଶ୍ୱର ଶ୍ରୀଶ୍ରୀ ପୀତାମ୍ବର ଦେବ ଗୋସ୍ୱାମୀ ଜୀଙ୍କ ସହ ସାକ୍ଷାତ କରିଥିଲେ ଏବଂ ବିଭିନ୍ନ ବିଷୟରେ ତାଙ୍କ ସହ ଆଲୋଚନା କରିଥିଲେ।

ଏହାପରେ ସେମାନେ ଶ୍ରୀଶ୍ରୀ ଉତ୍ତର କମଳାବାଡ଼ି ସତ୍ର ଦର୍ଶନ କରିଥିଲେ। ସେଠାରେ ସତ୍ରାଧିକାର ପ୍ରଭୁ ଈଶ୍ୱର ଶ୍ରୀଶ୍ରୀ ଜନାର୍ଦ୍ଦନ ଦେବ ଗୋସ୍ୱାମୀ ଜୀଙ୍କ ସହ ସାକ୍ଷାତ କରିବା ସହ ତାଙ୍କ ସହ ମଧ୍ୟ ବିଭିନ୍ନ ବିଷୟରେ ଭାବ ବିନିମୟ କରିଥିଲେ।

ଉଭୟ ସତ୍ର ଦର୍ଶନ କରିବା ସହ ସତ୍ରାଧିକାର ଏବଂ ଭକ୍ତ-ବୈଷ୍ଣବମାନଙ୍କ ସହ ଆଲୋଚନା କରିବା ପରେ ସେ କହିଥିଲେ ଯେ, ଏହି ଗସ୍ତ ମାଧ୍ୟମରେ ମାଜୁଲିର କଳା-ସଂସ୍କୃତି, ଭୌଗୋଳିକ ପରିବେଶ ଏବଂ ଜନସାଂଖ୍ୟିକ ଗଠନ ସମ୍ପର୍କରେ ତାଙ୍କୁ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଜାଣିବାକୁ ମିଳିଛି।

ଏହାପରେ ସେ ମିଶିଂ ଜନଜାତି ଅଞ୍ଚଳର ବାହପରା ନାମଘରଠାରେ ଆୟୋଜିତ ଅଖଣ୍ଡ ଭାଗବତ ପାଠ କାର୍ଯ୍ୟକ୍ରମରେ ପହଞ୍ଚିଥିଲେ। ସେଠାରେ ସେ ଭାଗବତ ଶ୍ରବଣ କରିବା ସହ ଶ୍ରଦ୍ଧାପୂର୍ବକ ପ୍ରଣାମ ଜଣାଇଥିଲେ। ମିଶିଂ ଜନଜାତି ଅଞ୍ଚଳରେ ଏଭଳି ଧାର୍ମିକ ଆୟୋଜନ ମାଧ୍ୟମରେ ଗୁରୁଜନମାନଙ୍କ କଳା-ସଂସ୍କୃତି ଓ ପରମ୍ପରାକୁ ସଂରକ୍ଷିତ ରଖିବା ପାଇଁ କରାଯାଉଥିବା ପ୍ରୟାସ ନିମନ୍ତେ ସେ ସମସ୍ତଙ୍କୁ ପ୍ରଣାମ ଜଣାଇଥିଲେ।

ଅପରାହ୍ଣରେ ଅଫଲାମୁଖ ଘାଟ ପାର ହୋଇ ସେ ମାଜୁଲିରୁ ବିଦାୟ ନେଇଥିଲେ।

ଅଖିଳ ଭାରତୀୟ ଅଧିକାରୀମାନଙ୍କ ଏହି ଗସ୍ତ ସମୟରେ ଉତ୍ତର ଆସାମ ପ୍ରାନ୍ତର ସହ ବ୍ୟବସ୍ଥା ପ୍ରମୁଖ କାନୁରାମ ଡେକା ଜୀଙ୍କ ସମେତ ଅନ୍ୟ କାର୍ଯ୍ୟକର୍ତ୍ତାମାନେ ମଧ୍ୟ ସେମାନଙ୍କ ସହ ଉପସ୍ଥିତ ଥିଲେ।