ଯଶିପୁର ଖଣ୍ଡ ତରଫରୁ ଯୁବ ସମ୍ମିଳନୀ
ରାଷ୍ଟ୍ରୀୟ ସ୍ବୟଂସେବକ ସଂଘ ସାଂଗଠନିକ ଜିଲ୍ଲା ରାଇରଙ୍ଗପୁର ଅନ୍ତର୍ଗତ ଯଶିପୁର ଖଣ୍ଡ ର ଯଶିପୁର ମହାବିଦ୍ୟାଳୟ ରେ ଯୁବ ସମ୍ମିଳନୀ ଅନୁଷ୍ଠିତ ହୋଇ ଯାଇଛି | ପ୍ରାୟ ୨୦୦ ସଂଖ୍ୟା ର ଯୁବକ ଏ ସମ୍ମିଳନୀ ରେ ଯୋଗ ଦେଇଥିଲେ। ପ୍ରାରମ୍ଭ ରେ ସାଂସ୍କୃତିକ କାର୍ଯ୍ୟକ୍ରମ ଏବଂ ବିଭିନ୍ନ ପ୍ରତିଯୋଗିତା ହୋଇଥିଲା। ଉଦ୍ଘାଟନ ସତ୍ର ର ବକ୍ତା ଥିଲେ ମୟୂରଭଞ୍ଜ ବିଭାଗ ର ବିଭାଗ ସେବା ପ୍ରମୁଖ ଶ୍ରୀଯୁକ୍ତ ଖଗେଶ୍ୱର ମହାନ୍ତ। ସେ ଭାରତର ଗୌରବଶାଳୀ ଇତିହାସ ଓ ପରମ୍ପରା ବିଷୟ ରେ ବିଷୟ ରଖିଥିଲେ। ସମାରୋପ ରେ ରାଷ୍ଟ୍ରୀୟ ସ୍ବୟଂସେବକ ସଂଘ ଓଡିଶା ପୂର୍ବ ପ୍ରାନ୍ତର ସହ ପ୍ରାନ୍ତ ପ୍ରଚାର ପ୍ରମୁଖ ଶ୍ରୀଯୁକ୍ତ ମନୀନ୍ଦ୍ର ସୁନ୍ଦର ଦାସ ସ୍ବାଧୀନତା ରୁ ସ୍ବତନ୍ତ୍ରତା ବିଷୟ ରେ ଆଲୋକପାତ କରିଥିଲେ। ସେ କହିଥିଲେ ଭାରତର ଦୃଷ୍ଟିକୋଣ କେବଳ ଭୌତିକ ପ୍ରଗତି ପର୍ଯ୍ୟନ୍ତ ସୀମିତ ନୁହେଁ। ଭାରତୀୟ ସଂସ୍କୃତିର ସାମଗ୍ରିକ ଏବଂ ସମନ୍ୱିତ ଦୃଷ୍ଟିକୋଣ ଉପରେ ଆଧାରିତ, ବ୍ୟକ୍ତି, ସମାଜ ଏବଂ ପ୍ରକୃତିର ସନ୍ତୁଳିତ ବିକାଶ ଜରୁରୀ। ସଂଘର ଅନୁଭବ ହେଉଛି ଯେ ସମାଜରେ ପ୍ରକୃତ ପରିବର୍ତ୍ତନ ସେତେବେଳେ ସମ୍ଭବ ଯେତେବେଳେ ବ୍ୟକ୍ତି ନିଜର ଚରିତ୍ରକୁ ପରିବର୍ତ୍ତନ କରି ଅନ୍ୟମାନଙ୍କ ପାଇଁ ଏକ ଉଦାହରଣ ସ୍ଥାପନ କରନ୍ତି। “ପଞ୍ଚ ପରିବର୍ତ୍ତନ କାର୍ଯ୍ୟକ୍ରମ” ଏହି ଉଦ୍ଦେଶ୍ୟ ପାଇଁ କାର୍ଯ୍ୟକାରୀ କରାଯାଉଛି। ଏଥିରେ ବ୍ୟକ୍ତିଗତ ଚରିତ୍ର ନିର୍ମାଣ, ସାମାଜିକ ସମରସତା, କୁଟୁମ୍ଭ ପ୍ରବୋଧନ,ପର୍ଯ୍ୟବରଣ ସଂରକ୍ଷଣ, ସ୍ୱବୋଧ ଏବଂ ସ୍ୱଦେଶୀ ଅନୁଶାସନ ଭଳି ଆୟାମ ଅନ୍ତର୍ଭୁକ୍ତ। ଏହା କେବଳ ସ୍ୱୟଂସେବକମାନଙ୍କର ନେତୃତ୍ୱ, ଭକ୍ତି ଏବଂ ବୁଝାମଣା ବିକଶିତ କରେ ନାହିଁ, ବରଂ ସମାଜରେ ନିଃସ୍ୱାର୍ଥପର ସେବା ଏବଂ ସାମୂହିକତାର ସଂସ୍କୃତିକୁ ମଧ୍ୟ ସୁଦୃଢ଼ କରେ ।
ଶେଷରେ ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା।