ମଥୁରାର ବାଙ୍କେ ବିହାରୀ ମନ୍ଦିର ପାଇଁ ଅଯୋଧ୍ୟା-କାଶୀ ଭଳି ଭବ୍ଯ କରିଡର ନିର୍ମାଣ ହେବ
ୟୁପି ସରକାର ମଥୁରାର ବାଙ୍କେ ବିହାରୀ ମନ୍ଦିର ପାଇଁ ଏକ ଟ୍ରଷ୍ଟ ପ୍ରତିଷ୍ଠା କରିଛନ୍ତି। ୟୁପି ରାଜ୍ୟପାଳ ଆନନ୍ଦୀ ବେନ୍ ପଟେଲ ବାଙ୍କେ ବିହାରୀ ଜୀ ମନ୍ଦିର ଟ୍ରଷ୍ଟ ଅଧ୍ୟାଦେଶ ୨୦୨୫କୁ ଅନୁମୋଦନ କରିଛନ୍ତି। ଏବେ ପୂଜା ବ୍ୟବସ୍ଥା କିପରି ହେବ ତାହା ଟ୍ରଷ୍ଟ ନିଷ୍ପତ୍ତି ନେବ । ହୋଲି ଏବଂ ଦୀପାବଳି ଭଳି ପର୍ବପର୍ବାଣୀରେ ମନ୍ଦିରରେ ସୁରକ୍ଷା ବ୍ୟବସ୍ଥା କ’ଣ ହେବ ଏହି ସମୟରେ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ସମଗ୍ର ବ୍ୟବସ୍ଥା ଦେଖିବେ।
ଟ୍ରଷ୍ଟରେ ୧୮ ଜଣ ସଦସ୍ୟ ରହିବେ। ବିଜ୍ଞପ୍ତି ଅନୁଯାୟୀ, ବୋର୍ଡରେ ୪ ଜଣ ସଦସ୍ୟ ରହିବେ ଏବଂ ୭ ଜଣ ଅଧିକାରୀ ଏଥିରେ ଅନ୍ତର୍ଭୁକ୍ତ ହେବେ। ବୈଷ୍ଣବ ସମ୍ପ୍ରଦାୟ ଏବଂ ପରମ୍ପରା ସହିତ ଜଡିତ ଛଅ ଜଣଙ୍କୁ ଟ୍ରଷ୍ଟରେ ସାମିଲ କରାଯିବ। ରାଜ୍ୟ ସରକାର ଟ୍ରଷ୍ଟର ସମସ୍ତ ଟ୍ରଷ୍ଟିଙ୍କୁ ନିଯୁକ୍ତ କରିବେ।
ମନ୍ଦିରରେ ସେବା କରିବେ ଗୋସ୍ୱାମୀ ପରମ୍ପରା ଏବଂ ହରିଦାସ ଜୀଙ୍କ ୨ ବଂଶଧର ଯେଉଁମାନେ ରାଜଭୋଗ ସେବାୟତ ଏବଂ ଶୟନ ଭୋଗ ସେବାୟତମାନଙ୍କର ନେତୃତ୍ୱ ନେବେ।
ବାଙ୍କେ ବିହାରୀ ପରିଦର୍ଶନ କରୁଥିବା ଲୋକଙ୍କ ସୁବିଧା ପାଇଁ ଏକ କରିଡର ମଧ୍ୟ ନିର୍ମାଣ କରାଯିବ। ଅଯୋଧ୍ୟା ଏବଂ କାଶୀ ପରେ, ଏହା ମଥୁରା-ବୃନ୍ଦାବନକୁ ସୁନ୍ଦର କରିବା ଦିଗରେ ଏକ ବଡ଼ ପଦକ୍ଷେପ।