ବନ୍ଧୁତ୍ବର ହାତ ବଢାଇ ପଡୋଶୀକୁ ଲୁଣ ଯୋଗାଇଲା
ଭାରତ କଲମ୍ବୋ: ବର୍ତ୍ତମାନର ସଙ୍କଟ ଯୋଗୁ ଶ୍ରୀଲଙ୍କା ରେ ଲୁଣର ମୂଲ୍ୟ କିଲୋଗ୍ରାମ ପ୍ରତି ୧୪୫ ଟଙ୍କାରେ ପହଞ୍ଚିଛି। ଶ୍ରୀଲଙ୍କା ଏହାର ପ୍ରକୃତ ଲୁଣ ଆବଶ୍ୟକତାର ମାତ୍ର ୨୩% ଉତ୍ପାଦନ କରିଥାଏ। ଅନେକ ଗଣମାଧ୍ୟମ ରିପୋର୍ଟରେ କୁହାଯାଇଛି ଯେ ଭାରତ ୩,୦୫୦ ମେଟ୍ରିକ୍ ଟନ୍ ଲୁଣ ପଠାଇ ପଡ଼ୋଶୀକୁ ସାହାଯ୍ୟ କରିବାକୁ ଆଗେଇ ଆସିଛି। ପ୍ରବଳ ବର୍ଷା ଯୋଗୁ ଦେଶରେ ଲୁଣ ଉତ୍ପାଦନ ବନ୍ଦ ହୋଇଯାଇଛି। ଯାହା ଫଳରେ ପୂର୍ବରୁ ଉତ୍ପାଦିତ ଲୁଣ ପାଣିରେ ମିଶିଯାଇଛି। ଯାହା ଯୋଗୁ ଶ୍ରୀଲଙ୍କାରେ ବ୍ୟବହାର ପାଇଁ ଆବଶ୍ୟକ ପରିମାଣର ଲୁଣ ନାହିଁ। ଏପରି ପରିସ୍ଥିତିରେ ଲୋକମାନଙ୍କୁ ଲୁଣ କିଣିବା ପାଇଁ ସଂଘର୍ଷ କରିବାକୁ ପଡୁଛି। ଦେଶରେ ଲୁଣର ଦର ସ୍ୱାଭାବିକ ଅପେକ୍ଷା ତିନିରୁ ଚାରି ଗୁଣା ଅଧିକ ହୋଇଯାଇଛି।