ଆଠମଲ୍ଲିକ ଏବିଭିପିର ନଗର ସମ୍ମିଳନୀ
ଆଠମଲ୍ଲିକ,୧୯/୧୨: ଅଖେଳ ଭାରତୀୟ ବିଦ୍ୟାର୍ଥୀ ପରିଷଦ ତରଫରୁ ସ୍ଥାନୀୟ ଟାଉନ ହଲଠାରେ ନଗର ସମ୍ମିଳନୀ ଅନୁଷ୍ଠିତ ହୋଇଯାଇଛି । ଏହି ଅବସରରେ ନୂତନ କର୍ମକର୍ତ୍ତା ମନୋନୀତ ହୋଇଥିଲେ । ସଭାପତି ଭାବେ ଅଧ୍ୟାପକ ଗୋପବନ୍ଧୁ ପ୍ରଧାନ ଓ ସମ୍ପାଦକ ବିଷ୍ଣୁପ୍ରସାଦ ଷଡ଼ଙ୍ଗୀ ପୁନଃ ମନୋନୀତ ହୋଇଥିବା ବେଳେ ନୂତନ କାର୍ଯ୍ୟକର୍ତ୍ତାଙ୍କ ମଧ୍ୟରେ ଉପସଭାପତି ପ୍ରିୟଦର୍ଶିନୀ ଭୋକ୍ତା, ସହସମ୍ପାଦକ ଆଶୁତୋଷ ମିଶ୍ର, ରାହୁଲ ଦାଶ, କଲ୍ୟାଣୀ ସାହୁ, ପ୍ରୟତ୍ନୀ ବିଶ୍ବାଳ, ସଂଯୋଜକ ଅସିତରଞ୍ଜନ ପ୍ରଧାନଙ୍କ ସମେତ ଅନ୍ୟାନ୍ୟ ପଦ ପାଇଁ ମଧ୍ୟ ମନୋନୟନ ହୋଇଛି। ଏହି ଉପଲକ୍ଷେ ଅନୁଷ୍ଠିତ ସଭାରେ ସଙ୍ଗଠନର ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ବିଶ୍ୱଜିତ ପାତ୍ର, ଜିଲା ସଂଯୋଜକ ଆଶିଷକୁମାର ବେହେରା, ଅନୁଗୋଳ ଓ ଦେବଗଡ଼ର ସାଙ୍ଗଠନିକ ସମ୍ପାଦକ ବିରଞ୍ଚି ତ୍ରିପାଠୀ ପ୍ରମୁଖ ଯୋଗଦେଇ ଛାତ୍ର ଏକତା ରାଷ୍ଟ୍ରର ଶକ୍ତି ନାରା ଦେଇ ଛାତ୍ର ସମାଜ ଏକତାକୁ ଗୁରୁତ୍ଵ ଦେଇଥିଲେ। ନବନିର୍ବାଚିତ ସଭାପତି ଅଧ୍ୟାପକ ଗୋପବନ୍ଧୁ ପ୍ରଧାନ ସ୍ଵାମୀ ବିବେକାନନ୍ଦଙ୍କ ଜୀବନ ଆଦର୍ଶରେ ଅନୁପ୍ରାଣିତ ହେବାକୁ ଛାତ୍ରଛାତ୍ରୀଙ୍କୁ ପରାମର୍ଶ ଦେଇଥିଲେ। ରାଜ୍ୟ କାର୍ଯ୍ୟକାରିଣୀ ସଭ୍ୟ ଉମେଶ ବାଘଙ୍କ ସମେତ ବହୁ ସଭ୍ୟ ଏଥିରେ ଉପସ୍ଥିତ ଥିଲେ।