ସୀମାନ୍ତରେ ୨ ମାଓବାଦୀ ନିପାତ
ମାଲକାନଗିରି,୧୩।୧୨: ମାଲକାନଗିରି ଜିଲା ସୀମାନ୍ତ ଛତିଶଗଡ଼ ବିଜାପୁର ନେନ୍ଦ୍ରା ଅଞ୍ଚଳ ଜଙ୍ଗଲରେ ସୁରକ୍ଷା ବାହିନୀ ଓ ମାଓବାଦୀଙ୍କ ମଧ୍ୟରେ ଗୁଳିବିନିମୟ ହୋଇଛି। ସୁରକ୍ଷା ବାହିନୀ ଗୁଳିରେ ୨ ମାଓବାଦୀ ନିପାତ ହୋଇଛନ୍ତି। ବାସାଗୁଡ଼ା ଥାନା ଅନ୍ତର୍ଗତ ନେନ୍ଦ୍ରା ଅଞ୍ଚଳ ଜଙ୍ଗଲରେ ପୁଲିସ, ଏସ୍ଟିଟିଏଫ୍ ଓ ଡିଆର୍ଜି ଯବାନମାନେ ତଲାସି ଅଭିଯାନ କରୁଥିଲେ। ଯବାନମାନଙ୍କୁ ଦେଖ୍ ଜଙ୍ଗଲ ମଧ୍ୟରେ ଲୁଚି ରହିଥିବା ମାଓବାଦୀ ଗୁଳି ଚାଳନା କରିଥିଲେ। ଯବାନମାନେ ପାଲଟା ଆକ୍ରମଣ କରିଥିଲେ । ଉଭୟ ପକ୍ଷରୁ ଗୁଳିବିନିମୟ ହୋଇଥିଲା । ପରେ ମାଓବାଦୀ ଛତ୍ରଭଙ୍ଗ ଦେଇଥିଲେ। ଯବାନଙ୍କ ପକ୍ଷରୁ ତଲାସି ଅଭିଯାନ ସମୟରେ ଦୁଇ ମାଓବାଦୀଙ୍କ ମୃତଦେହ ଉଦ୍ଧାର ହୋଇଥିଲା । ବର୍ତ୍ତମାନ ମଧ୍ୟ ଉକ୍ତ ଅଞ୍ଚଳରେ ତଲାସି ଅଭିଯାନ ଜାରି ରହିଥିବା ବିଜାପୁର ଆରକ୍ଷୀ ଅଧୀକ୍ଷକ ଡ. ଜିତେନ୍ଦ୍ର ଯାଦବ ସୂଚନା ଦେଇଛନ୍ତି।