– ଇଂରେଜମାନେ ସଦାସର୍ବଦା “ବିଭାଜନ ସୃଷ୍ଟି କର ଓ ଶାସନ କର’ ନୀତି ଆପଣାଇଥିଲେ, ଯାହାର ଅନୁସରଣ କଂଗ୍ରେସ ଦଳରେ ରହି ସେମାନଙ୍କ ମାନସପୁତ୍ରମାନେ ଆଜି ମଧ୍ୟ କରୁଛନ୍ତି। ସେମାନେ ଭାରତର ନାଗରିକମାନଙ୍କୁ ବିଭିନ୍ନ ଗୋଷ୍ଠୀରେ ବିଭାଜିତ କରି ରଖିଥିଲେ।
– ସେ ଶିଖମାନଙ୍କୁ ମଧ୍ୟ ହିନ୍ଦୁମାନଙ୍କଠାରୁ ଅଲଗା କରିବାରେ ଯଥେଷ୍ଟ ସଫଳତା ହାସଲ କରିଛି। କଂଗ୍ରେସ ଜୈନ ଧର୍ମାବଲମ୍ବୀମାନଙ୍କୁ ମଧ୍ୟ ହିନ୍ଦୁମାନଙ୍କଠାରୁ ଅଲଗା କରି ଦେଇଛି।
– ୧୫ କିମ୍ବା ୧୬ ଅଗଷ୍ଟ ୧୯୪୭ ର ସେହି ଦିନ, ଯେତେବେଳେ ପଣ୍ଡିତ ଜବାହରଲାଲ ନେହେରୁ ଲାହୋରର ଡି.ଏ.ଭି. କଲେଜ କ୍ୟାମ୍ପରେ ପହଞ୍ଚିଥିଲେ, ସେତେବେଳେ ସେଠାରେ ଉପସ୍ଥିତ ହଜାର ହଜାର ସଂଖ୍ୟାରେ ପୀଡ଼ିତ ଦୁଃଖୀ ଶରଣାର୍ଥୀମାନେ କ୍ରୋଧିତ ହୋଇ “ନେହେରୁ ଫେରିଯାଅ’, “ଗୋ ବ୍ୟାକ୍ ନେହେରୁ’ ନାରା ଦେବା ଆରମ୍ଭ କରିଦେଇଥିଲେ। ଲୋକଙ୍କ ଆକ୍ରୋଶ ଦେଖି ପଣ୍ଡିତ ନେହେରୁ ଏବଂ ବଳଦେବ ସିଂହ ଫେରିଯାଇଥିଲେ।
– ଅନେକ ଧାର୍ମିକ ଏବଂ ଜାତିଗତ ଦଙ୍ଗା କରାଇବା ପରେ ମଧ୍ୟ ସେମାନେ ଆଜି ପର୍ଯ୍ୟନ୍ତ ନିଜକୁ ଗର୍ବର ସହ ଧର୍ମନିରପେକ୍ଷ ବୋଲି କହୁଛନ୍ତି। କଂଗ୍ରେସ ସମାଜରେ ଯେତେ ଘୃଣା ବିସ୍ତାର କରିଛି, ଯେତେ ବିଭାଜନ ରେଖା ଟାଣିଛି, ତାହାର ଗୋଟିଏ ପ୍ରତିଶତ ମଧ୍ୟ ଇଂରେଜମାନେ କରିନଥିବେ।
– ଇଂରେଜମାନଙ୍କ ଉତ୍ତରାଧିକାରୀ ହୋଇଥିବା ହେତୁ କଂଗ୍ରେସ ଏହି ଭୁଲ ଧାରଣା ରହିଛି ଯେ, ଯେତେବେଳେ ଇଂରେଜମାନେ ବିଦେଶୀ ହୋଇ ମଧ୍ୟ କେବଳ ଦୁଇଟି ଗୋଷ୍ଠୀକୁ ପରସ୍ପର ମଧ୍ୟରେ ଲଢ଼ାଇ ଦୁଇଶହ ବର୍ଷ ଶାସନ କରିପାରିଲେ, ତେବେ ଆମେ ସ୍ୱଦେଶୀ ହୋଇ ଦୁଇ ହଜାର ବର୍ଷ କାହିଁକି ଶାସନ କରିପାରିବୁ ନାହିଁ?
– କେବଳ ପ୍ରଧାନମନ୍ତ୍ରୀ ପଦବୀ ପାଇବା ପାଇଁ ପଣ୍ଡିତ ନେହେରୁ କେବଳ ଦେଶକୁ ବିଭାଜିତ କରିନଥିଲେ ବରଂ ଲକ୍ଷ ଲକ୍ଷ ଲୋକଙ୍କ ରକ୍ତରେ ଭାରତ ଭୂମିକୁ ସ୍ନାନ କରାଇଥିଲେ। ସେତେବେଳେ ଯେଉଁ ଘୃଣାର ବୀଜ ବପନ କରାଯାଇଥିଲା, ତାହାକୁ ସମ୍ପୂର୍ଣ୍ଣ ରୂପେ ନଷ୍ଟ କରିବା ପାଇଁ ଆଗାମୀ ଅନେକ ପିଢ଼ିକୁ ମିଳିମିଶି ପ୍ରୟାସ କରିବାକୁ ପଡ଼ିବ।
– ଆଜି ଯେଉଁ କଂଗ୍ରେସ ଧର୍ମନିରପେକ୍ଷତାର ଧ୍ୱଜାଧାରୀ ହେବାର ଭଣ୍ଡାମି କରୁଛି, ସେହି କଂଗ୍ରେସ ଅନେକ ସାମ୍ପ୍ରଦାୟିକ ଆଇନ ପାରିତ କରିବାରେ ଇଂରେଜମାନଙ୍କୁ ସାହାଯ୍ୟ କରିଥିଲା।
– ଏହି କଥା ବୁଝିବାରେ ସମସ୍ତେ ବିଫଳ ହୋଇଥିଲେ ଯେ ଯଦି ପଣ୍ଡିତ ନେହେରୁ ଜଣେ ରାଷ୍ଟ୍ରବାଦୀ ଥିଲେ ଏବଂ ତାଙ୍କର ଧର୍ମନିରପେକ୍ଷତା ଉପରେ ବିଶ୍ୱାସ ଥିଲା, ତେବେ ସେ ହଠାତ୍ ଧର୍ମ ନାମରେ ହେଉଥିବା ବିଭାଜନକୁ ଗ୍ରହଣ କରିବାକୁ କିପରି ସମ୍ମତ ହୋଇଗଲେ?