ଦି ଗାର୍ଡିଆନ୍ (The Guardian) ହେଉଛି ଏକ ପ୍ରମୁଖ ବ୍ରିଟିଶ ଦୈନିକ ଖବରକାଗଜ । “ଦି ଗାର୍ଡିଆନ” ଏକ ରିପୋର୍ଟ ପ୍ରକାଶ କରିଛି ଯାହା ନ୍ୟୁ ଜର୍ସିର BAPS ସ୍ୱାମୀନାରାୟଣ ଅକ୍ଷରଧାମ ମନ୍ଦିର ନିର୍ମାଣ ସମ୍ପର୍କିତ ପୁରୁଣା ଅଭିଯୋଗକୁ ପୁନର୍ଜୀବିତ କରିଛି। ଏହି ରିପୋର୍ଟ ବିତର୍କକୁ ପୁନଃଉତ୍ପନ୍ନ କରିଛି, ଯଦିଓ ଏକ ଆମେରିକାର କୋର୍ଟ ସେପ୍ଟେମ୍ବର 2025 ରେ ସମଗ୍ର ମାମଲାର ପୁଙ୍ଖାନୁପୁଙ୍ଖ ତଦନ୍ତ କରିଥିଲେ ଏବଂ କୌଣସି ଅନିୟମିତତା ପାଇନଥିଲେ।
ଦି ଗାର୍ଡିଆନ ଏହାର ରିପୋର୍ଟରେ ଦାବି କରିଛି ଯେ ମନ୍ଦିର ନିର୍ମାଣ ସମୟରେ ଶ୍ରମିକମାନଙ୍କ ସହିତ ଦୁର୍ବ୍ୟବହାର କରାଯାଇଥିଲା ଏବଂ ଚିକିତ୍ସା ସେବାକୁ ଅବହେଳା କରାଯାଇଥିଲା। ଏହି ଅଭିଯୋଗ ଆସିବା ପରେ ଆମେରିକୀୟ ଏଜେନ୍ସିଗୁଡ଼ିକ ପୂର୍ବରୁ ତଦନ୍ତ କରି ସେହି ଅଭିଯୋଗକୁ ଖାରଜ କରିସାରିଛନ୍ତି। କିନ୍ତୁ ଦି ଗାର୍ଡିଆନ୍ (The Guardian) ଖବର କାଗଜ ପୁଣି ଥରେ ସେହି ପୁରୁଣା ସମାଚାରକୁ ପ୍ରକାଶିତ କରିଛି ା
BAPS ସଂଗଠନ ଆରମ୍ଭରୁ ଏହି ଅଭିଯୋଗଗୁଡ଼ିକୁ ଅସ୍ୱୀକାର କରିଆସିଛି। ସେମାନେ କହିଛନ୍ତି ଯେ ମନ୍ଦିର ନିର୍ମାଣରେ ସାମିଲ ଥିବା ଲୋକମାନେ ଶ୍ରମିକ ନଥିଲେ ବରଂ ସ୍ୱେଚ୍ଛାସେବକ ଥିଲେ, ଧାର୍ମିକ ଭାବନାରୁ କାର୍ଯ୍ୟ କରୁଥିଲେ, ଅର୍ଥାତ୍ “ସେବା”। ସଂଗଠନର ନେତାମାନେ କହିଛନ୍ତି ଯେ କାରିଗରମାନେ ଚାପ କିମ୍ବା ବାଧ୍ୟବାଧକତାରେ ନୁହେଁ, ବରଂ ସେମାନଙ୍କର ବିଶ୍ୱାସ ଏବଂ ପରମ୍ପରାରୁ ଏହି କାମ କରିଥିଲେ। ସେମାନେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ ମାମଲାରେ ଜଡିତ କିଛି ବ୍ୟକ୍ତି ପରେ ନିଜେ ମାମଲା ପ୍ରତ୍ୟାହାର କରି ନେଇଥିଲେ ।
ନ୍ୟୁ ଜର୍ସିର ରବିନ୍ସଭିଲ୍ରେ ଥିବା BAPS ସ୍ୱାମୀନାରାୟଣ ଅକ୍ଷରଧାମ ମନ୍ଦିରକୁ ବିଶ୍ୱର ସର୍ବବୃହତ ହିନ୍ଦୁ ମନ୍ଦିର ଭାବରେ ବିବେଚନା କରାଯାଏ। 2023 ମସିହାରେ ନିର୍ମିତ ଏହି ଭବ୍ୟ ମନ୍ଦିର କେବଳ ପୂଜାସ୍ଥଳ ନୁହେଁ ବରଂ ସାରା ବିଶ୍ୱରେ ହିନ୍ଦୁ ଭକ୍ତଙ୍କ ପାଇଁ ଆସ୍ଥା ଏବଂ ଗର୍ବର ପ୍ରତୀକ।
ଏହି ମନ୍ଦିରର ସବୁଠାରୁ ଉଲ୍ଲେଖନୀୟ ବୈଶିଷ୍ଟ୍ୟ ହେଉଛି ଏହାର ନିର୍ମାଣରେ ଲୋକଙ୍କ ବ୍ୟାପକ ଅଂଶଗ୍ରହଣ। ଉତ୍ତର ଆମେରିକା ଏବଂ ଅନ୍ୟାନ୍ୟ ଦେଶରୁ 12,500 ରୁ ଅଧିକ ସ୍ବୟଂସେବକମାନେ ଏହାକୁ ନିର୍ମାଣ କରିବା ପାଇଁ ପ୍ରାୟ 12 ବର୍ଷ ଧରି ଏକାଠି କାମ କରିଥିଲେ। ଆଶ୍ଚର୍ଯ୍ୟଜନକ ଭାବରେ ଏହି ସ୍ବୟଂସେବକମାନଙ୍କ ମଧ୍ୟରୁ ଅନେକଙ୍କର ନିର୍ମାଣରେ କୌଣସି ବୃତ୍ତିଗତ ଅଭିଜ୍ଞତା ନଥିଲା। ତଥାପି ମନ୍ଦିର ପ୍ରଶାସନ ଲଗାତାର ଭାବରେ କହିଆସିଛି ଯେ ସେମାନେ “ସେବା” କିମ୍ବା ଭକ୍ତି ଭାବନାରୁ ଏହି କାର୍ଯ୍ୟ କରିଥିଲେ।