ମାଲକାନଗିରି ଜିଲା ସୀମାନ୍ତ ରେ ୧୩ ମାଓବାଦୀ ଗିରଫ
ମାଲକାନଗିରି: ମାଲକାନଗିରି ଜିଲା ସୀମାନ୍ତ ଛତିଶଗଡ଼ ସୁକୁମା ଜିଲା ଚିନ୍ତଲନାର ଥାନା ଅଧୀନ ନାଲା ଓ ପୁଲନପାରା ଜଙ୍ଗଲ ମଧ୍ୟରୁ ୧୩ ମାଓବାଦୀ ଗିରଫ ହୋଇଛନ୍ତି । ସୁକୁମା ଜିଲାରେ ମାଓ ଦମନ ପାଇଁ ସିଆର୍ପିଏଫ୍ ଏବଂ ଚିନ୍ତଲନାର ପୁଲିସ ପକ୍ଷରୁ ମିଳିତ ତଲାସି ଅଭିଯାନ ଜାରି ରହିଛି। ତଲାସି ଅଭିଯାନ ବେଳେ କିଛି ବ୍ୟକ୍ତି ଜଙ୍ଗଲ ମଧ୍ୟରେ ଲୁଚି ରହିଥିଲେ। ଯବାନମାନେ ପ୍ରଥମେ ୬ ଜଣଙ୍କୁ ଧରିବାରେ ସଫଳ ହୋଇଥିଲେ।,ସେମାନଙ୍କୁ ପଚରାଉଚରା ବେଳେ ସମସ୍ତେ ମାଓବାଦୀ ବୋଲି ଜଣାପଡ଼ିଥିଲା। ସେମାନଙ୍କ ନିକଟରୁ ବିସ୍ଫୋରକ ଓ ମାଓ ସାମଗ୍ରୀ ଜବତ ହୋଇଥିଲା। ସେହିପରି ଯବାନମାନେ ଫୁଲନପାରା ଜଙ୍ଗଲରୁ ୭ ଜଣଙ୍କୁ ଧରିଥିଲେ । ସେମାନେ ମଧ୍ୟ ମାଓବାଦୀ ବୋଲି ଜଣାପଡ଼ିଥିଲା। ୧୩ ମାଓବାଦୀଙ୍କୁ ଗିରଫ କରାଯାଇଛି। ସେମାନଙ୍କ ନିକଟରୁ ଜେଲୋଟିନ୍ ରଡ୍, କୋଡେକ୍ସ ତାର, ତୀର, ଟିଫିନ୍ ବୋମା, ଡିଟୋନେଟର, ପାଇପ ବୋମା ଆଦି ଜବତ ହୋଇଛି।