ଗାଡ଼ି ଜବତ, ୨ ବନ୍ଧା ହେଲେ
ହିନ୍ଦୋଳ, ୧୬।୧୨: ହିନ୍ଦୋଳ ଥାନା ପୁଲିସ ଗତକାଲି ଓ ଆଜି ଚଢ଼ଉ କରି ଏକ ଗୋରୁ ବୋଝେଇ ଗାଡ଼ି ଜବତ କରିବା ସହ ଦୁଇଜଣ ମାଫିଆଙ୍କୁ ଗିରଫ କରିଛି। ଗୋରୁ ଚାଲାଣ ହେଉଥିବା ନେଇ ବିଶେଷ ସୂତ୍ରରୁ ଖବର ପାଇ ଗତକାଲି ରାତି ୧୧ରୁ ଆଜି ସକାଳ ମଧ୍ୟରେ ପୁଲିସ ପକ୍ଷରୁ ଏହି ଚଢ଼ଉ ହୋଇଥିଲା । ପୁଲିସ ଗୋଡ଼ାଇ ଗୋଡ଼ାଇ ୮ଟି ଗୋରୁ ବୋଝେଇ ପିକ୍ଅପ୍ (ଓଡି-୦୫ଏଟି-୧୯୪୪) ସହ କାର୍ (ଓଡି ୦୨-ବିଡବଲ୍ୟୁ-୯୮୬୨) ଓ ବାଇକ୍ (ଓଡି ୧୯-କେ -୩୧୭୧) ଜବତ କରିଛି | ଏଥିସହିତ ଦୁଇ ଗୋରୁ ମାଫିଆ କଟକରଲାଲବାଗ ଅଞ୍ଚଳର ମହସିନ ଖାଁ, ହିନ୍ଦୋଳ ଥାନା ବାହାଲୁଣ୍ଡାର ବସନ୍ତ ନାଏକଙ୍କୁ ବାହାଲୁଣ୍ଡା ଲୋଟସ୍ ଢାବା ସମ୍ମୁଖରେ ଧରିଥିଲେ। ହିନ୍ଦୋଳ ଥାନା ଭାରପ୍ରାପ୍ତ ଅଧିକାରୀ ଚାରୁଲତା ବେହେରାଙ୍କ ନେତୃତ୍ବରେ ସାତମାଇଲ ଫାଣ୍ଡି ଅଧିକାରୀ ଦିଲୀପ ସାହୁ ଓ ପୁଲିସ କର୍ମଚାରୀମାନେ ଏହି ଚଢ଼ଉରେ ସାମିଲ ହୋଇଥିଲେ । ଏ ସଂପର୍କରେ ହିନ୍ଦୋଳ ଥାନାରେ ଏକ ମାମଲା ରୁଜୁ କରାଯାଇ ଗିରଫ