ଅଯୋଧ୍ୟା : ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟ ପକ୍ଷରୁ ଭବ୍ୟ ମନ୍ଦିରରେ ରାମଲଲାଙ୍କ ପ୍ରତିଷ୍ଠାକୁ ଦୃଷ୍ଟିରେ ରଖି ରବିବାର ପୂଜିତ ଅକ୍ଷତ କଳସ ବିତରଣ କାର୍ଯ୍ୟକ୍ରମ ଆୟୋଜନ କରାଯାଇଛି । ଦେଶରୁ ଚୟନ ହୋଇଥିବା ୧୦୧ କାର୍ଯ୍ୟକର୍ତ୍ତା ପୂଜନ ପରେ ଧାନ କଳସକୁ ବିଜୟ ମନ୍ତ୍ର ସହ ଗ୍ରହଣ କରିଛନ୍ତି । ଏବଂ ଏହାକୁ ନେଇ ନିଜ ନିଜ ରାଜ୍ୟକୁ ଯାଇଛନ୍ତି । ଅଯୋଧ୍ୟାରେ ୨୦୨୪ ଜାନୁୟାରୀ ୨୨ରେ ଜନ୍ମଭୂମି ମନ୍ଦିରରେ ରାମଲଲାଙ୍କ ପ୍ରତିଷ୍ଠା ହେବ । ଏହି ଅବସରରେ ଦେଶର ୫ଲକ୍ଷ ମନ୍ଦିରରେ ଆନନ୍ଦ ଉତ୍ସବ ମନାଯିବ । ଏହି କାର୍ଯ୍ୟକ୍ରମକୁ ଗ୍ରାମବାସୀଙ୍କୁ ପବିତ୍ର ଧାନ ଦେଇ ନିମନ୍ତ୍ରିତ କରାଯିବ । ଶ୍ରୀରାମ ଜନ୍ମଭୂମିର ସୁଗ୍ରିବ କିଲା ପରିସରରେ ଏହି ପୂଜିତ ଧାନ କଳସ ବିତରଣ କାର୍ଯ୍ୟକ୍ରମ ଆୟୋଜନ କରାଯାଇଥିଲା