ହାଙ୍ଗଝୌ: ଚାଇନାରେ ଚାଲିଥିବା
୧୯ତମ ଏସିଆନ ଗେମ୍ସରେ ଭାରତ ତା’ର
ସ୍ଥିର ପ୍ରଦର୍ଶନ ଜାରି ରଖିଛି । ବର୍ତ୍ତମାନ ସୁଦ୍ଧା
ଦେଶ ପାଇଁ ବିଭିନ୍ନ ବର୍ଗରେ ଖେଳାଳିମାନେ
୩୩ଟି ପଦକ ଜିତି ସାରିଲେଣି । ଏହା
ମଧ୍ୟରେ ୮ଟି ସ୍ୱର୍ଣ୍ଣ, ୧୨ଟି ରୌପ୍ୟ ଓ ୧୩ଟି
ବ୍ରୋଞ୍ଜ ପଦକ ରହିଛି । କେବଳ ଶୁଟିଂରୁ
ଦେଶକୁ ୫ ଗୋଲ୍ଡ ମେଡାଲ ମିଳିଛି ।
ଏହାବାଦ ମହିଳା କ୍ରିକେଟ ଓ ଅଶ୍ୱଚାଳନାର
ଡ୍ରେସେଜ ଇଭେଣ୍ଟରେ ଦେଶକୁ ସ୍ୱର୍ଣ୍ଣିମ
ସଫଳତା ହାସଲ ହୋଇଛି । ୬ଷ୍ଠ ଦିନରେ
ଭାରତ ୨ଟି ସ୍ୱର୍ଣ୍ଣ, ୪ଟି ରୌପ୍ୟ ଓ ୨ଟି
ବ୍ରୋଞ୍ଜ ପଦକ ଜିତିଛି । ଶୁଟିଂରୁ ଦୁଇଟି ଯାକ
ସ୍ୱର୍ଣ୍ଣ ମିଳିଥିବା ବେଳେ ଟେନିସ ଓ ଶୁଟିଂରୁ
୪ଟି ରୌପ ପଦକ ମିଳିଛି । ଶଟପୁଟ ଓ
ମହିଳା ସ୍କ୍ୱାସ ଟିମ ଇଭେଣ୍ଟରେ ଦେଶ ବ୍ରୋଞ୍ଜ
ପଦକ ହାତେଇଛି ।
ଆଜିର ଶେଷ ଖେଳାଳି ଭାବେ କିରଣ
ବଲିୟାନ ଦେଶ ପାଇଁ ଶଟପୁଟରେ ବ୍ରୋଞ୍ଜ
ପଦକ ଜିତିଛନ୍ତି । ସେ ୧୭.୩୨ ମିଟର
ଦୂରତାକୁ ଶଟପୁଟ ଫିଙ୍ଗି ଏପରି ସଫଳତା
ପାଇଛନ୍ତି । ସେହିପରି ଚଳିତ ବର୍ଷ ଏସିଆ
ଗେମ୍ସରେ ଏହା ଆଥଲେଟିକ୍ସରୁ ମିଳିଥିବା
ପ୍ରଥମ । ଭାରତ ଆଜି ପୁରୁଷ ସ୍କ୍ୱାସ ଟିମ
ଇଭେଣ୍ଟର ଫାଇନାଲରେ ପ୍ରବେଶ କରିଛି ।
ଦଳ ମାଲେସିୟାକୁ ହରାଇ ପଦକ ଏକ
ପ୍ରକାରର ପକ୍କା କରି ସାରିଛି । ତେବେ ସ୍ୱର୍ଣ୍ଣ
ପଦକ ପାଇଁ ଭାରତୀୟ ଟିମ ପାକିସ୍ତାନ ସହ
ଲଢ଼ିବ । ୫୦ କେଜି ମହିଳା ବକ୍ସିଂରେ ଷ୍ଟାର
ବକ୍ସର ନିଖତ ଜରୀନ ମାତ୍ର ୫୩
ସେକେଣ୍ଡରେ ମ୍ୟାଚ ଶେଷ କରି ସେମିରେ
ପ୍ରବେଶ କରିଛନ୍ତି । ଏହି ବିଜୟ ସହ ସେ
କେବଳ ଦେଶ ପାଇଁ ପଦକ ପକ୍କା କରି
ନାହାନ୍ତି । ବରଂ ଆସନ୍ତା ବର୍ଷ ଅନୁଷ୍ଠିତ
ହେବାକୁ ଥିବା ପ୍ୟାରିସ ଅଲିମ୍ପିକ୍ସ ପାଇଁ
ଟିକେଟ ହାତେଇଛନ୍ତି ।
ସେହିପରି ୩୭ ବର୍ଷ ପରେ
ବ୍ୟାଡମିଣ୍ଟନରେ ଦେଶର ପଦକ ପକ୍କା
ହୋଇଛି । ଭାରତୀୟ ପୁରୁଷ ଟିମ ନେପାଳକୁ
ମାତ ଦେଇ ପୁରୁଷ ବ୍ୟାଡମିଣ୍ଟନର ଫାଇନାରେ
ପ୍ରବେଶ କରିଛି । ଏହାର ଅର୍ଥ ଫାଇନାଲରେ
ହାରିଲେ ମଧ୍ୟ ଭାରତକୁ ରୌପ୍ୟ ପଦକ
ମିଳିବ । ଆଜି ୫୦ ମିଟର ଏୟାର ରାଇଫଲ
ଟିମ୍ ଇଭେଣ୍ଟ ଓ ମହିଳା ୧୦ ମିଟର ଏୟାର
ପିସ୍ତଲ ଇଭେଣ୍ଟରେ ଭାରତକୁ ସ୍ୱର୍ଣ୍ଣ ପଦକ
ମିଳିଛି । ୫୦ ମିଟର ଏୟାର ରାଇଫଲ
ଟିମ୍ରେ ପ୍ରତାପ ତୋମାର, ସ୍ୱପ୍ନିଲ, ଅଖିଲ
ଭାରତ ପାଇଁ ସ୍ୱର୍ଣ୍ଣ ପଦକ ଜିତିଛନ୍ତି ।
ସେହିପରି ମହିଳା ୧୦ ମିଟର ଏୟାର ପିସ୍ତଲ
ଇଭେଣ୍ଟରେ ଭାରତ ପାଇଁ ସ୍ୱର୍ଣ୍ଣ ଜିତିଛନ୍ତି
ମହିଳା ସୁଟର ପଲକ । ମହିଳା ୧୦ ମିଟର
ଏୟାର ପିସ୍ତଲ ଟିମ୍ ଇଭେଣ୍ଟରେ ଭାରତକୁ
ରୌପ୍ୟ ପଦକ ବି ମିଳିଛି । ଈଶା ସିଂହ ଭାରତ
ପାଇଁ ଏହି ପଦକ ହାସଲ କରିଛନ୍ତି । ପୁରୁଷ
ଟେନିସ ଡବଲ୍ସରେ ସାକେତ୍-ରାମନାଥନ୍
ଯୋଡ଼ି ରୌପ୍ୟ ପଦକ ଜିତିଛନ୍ତି ।
ଫାଇନାଲରେ ଏହି ଭାରତୀୟ ଯୋଡ଼ିଙ୍କୁ
ପରାସ୍ତ ହେବାକୁ ପଡ଼ିଛି ।
ମହିଳା ହକିରେ ଭାରତର ବିଜୟ ଧାରା
ଜାରି ରହିଛି । ପ୍ରଥମ ମ୍ୟାଚ୍ରେ ଦଳ
ସିଙ୍ଗାପୁରକୁ ହରାଇଥିଲା । ଆଜି ଦଳ
ମାଲେସିୟାକୁ ୬-୦ ଗୋଲରେ ପରାସ୍ତ
କରିଛି ।
ଅନ୍ୟପକ୍ଷରେ ଚାଇନା ପ୍ରଥମ ଦେଶ
ଭାବେ ଚଳିତ ବର୍ଷ ଏସିଆ ଗେମ୍ସରେ
୧୦୦ରୁ ଅଧିକ ସ୍ୱର୍ଣ୍ଣ ଜିତିବାର ରେକର୍ଡ
କରିଛି । ବର୍ତ୍ତମାନ ପଦକ ଜିତିବା ତାଲିକାର
୧ନଂ ସ୍ଥାନରେ ଥିବା ଆୟୋଜକ ଚାଇନା ସବୁ
କ୍ରୀଡ଼ାରେ ନିଜରର ଦବବଦା ଦେଖାଇ
ଚାଲଛି । ଏସିଆ କ୍ରୀଡ଼ାର ପ୍ରଥମ ୬ ଦିନରେ
ଚାଇନା ୨୦୦ଟି ପଦକ ଜିତି ସାରିଲାଣି ।
ଏହା ମଧ୍ୟରେ ୧୦୫ ସ୍ୱର୍ଣ୍ଣ, ୬୩ଟି ରୌପ୍ୟ
ଓ ୩୨ଟି ବ୍ରୋଞ୍ଜ ପଦକ ରହିଛି ।
ତାଲିକାର ଦ୍ୱିତୀୟ ସ୍ଥାନରେ ଜାପାନ
ରହିଛି । ଜାପାନ ୨୭ଟି ସ୍ୱର୍ଣ୍ଣ, ୩୫ଟି
ରୌପ୍ୟ ଓ ୩୭ଟି ବ୍ରୋଞ୍ଜ ପଦକ ସହ
ଏଯାଏ ୯୯ଟି ପଦକ ହାତେଇଛି । ଦକ୍ଷିଣ
କୋରିଆ ୨୬ଟି ସ୍ୱର୍ଣ୍ଣ, ୨୮ଟି ରୌପ୍ୟ ଓ
୪୮ଟି ବ୍ରୋଞ୍ଜ ସହ ମୋଟ ୧୦୨ଟି ପଦକ
ଜିତି ତୃତୀୟ ସ୍ଥାନରେ ଅଛି ।