ପୁରୀ : ଜୁଲାଇ ୨ ତାରିଖରେ, ଶ୍ରୀ ରାମ ମନ୍ଦିର ପ୍ରତିଷ୍ଠା, ଶ୍ରୀ ଜଗନ୍ନାଥ ପ୍ରାଣ ପ୍ରତିଷ୍ଠା ଏବଂ ପ୍ରଥମ ରଥଯାତ୍ରାର ଏକ ବିଶାଳ ସମାରୋହ ଜାପାନର ଇବାରାକି ରାଜ୍ୟର ବାନେ୍ଦା ସହରରେ ଭାରତୀୟ ସମ୍ପ୍ରଦାୟ ଦ୍ୱାରା ଆୟୋଜିତ ହୋଇଥିଲା । ବୁଦ୍ଧଙ୍କ ଦେଶ ଜାପାନ ଏବଂ ଶ୍ରୀ ରାମ ମନ୍ଦିରରେ ପ୍ରଭୁ ଜଗନ୍ନାଥଙ୍କ ସ୍ଥାପନା ନିଶ୍ଚିତ ଭାବେ ଉଲ୍ଲେଖନୀୟ । ଧାର୍ମିକ ବିଶ୍ୱାସ ଅନୁସାରେ ପ୍ରଭୁ ରାମ ତ୍ରେତୟା ଯୁଗରେ ଶ୍ରୀକୃଷ୍ଣଙ୍କ ଦ୍ୱାପର ଯୁଗରେ ଏବଂ ମହାପ୍ରଭୁ ଜଗନ୍ନାଥଙ୍କ ଏହି କାଲିଯୁଗରେ ଆବିର୍ଭାବ । ପ୍ରଭୁ ଜଗନ୍ନାଥଙ୍କ ସହ ଜାପାନର ଏହା ପ୍ରଥମ ମନ୍ଦିର ହୋଇଥିବାରୁ ପବିତ୍ର ରଥଯାତ୍ରା ବ୍ୟତୀତ ପ୍ରଭୁ ଜଗନ୍ନାଥଙ୍କ ଉଦେ୍ଦଶ୍ୟରେ ଆଉ କିଛି ଉତ୍ସବ ଆୟୋଜନ କରିବାକୁ ଶ୍ରୀ ଜଗନ୍ନାଥ ସୋସାଇଟି ଯୋଜନା କରୁଥିବାର କନଭେନର ଜ୍ଞାନୀନ୍ଦ୍ର ମିଶ୍ର ଜଣାଇଛନ୍ତି ।