ଭୋପାଳ : ଆକ୍ସନରେ ପୁଣି ଜାତୀୟ ତଦନ୍ତକାରୀ ସଂସ୍ଥା (ଏନ୍ଆଇଏ) । ମଧ୍ୟପ୍ରଦେଶର ଜବଲପୁରରେ ବିଭିନ୍ନ ସ୍ଥାନରେ ଏନ୍ଆଇଏ ପକ୍ଷରୁ ରେଡ୍ କରାଯାଉଛି । ଏହି ଚଢାଉରେ ଜାତୀୟ ତଦନ୍ତାକାରୀ ସଂସ୍ଥାର ବରିଷ୍ଠ ଅଧିକାରୀମାନେ ଉପସ୍ଥିତ ରହିଛନ୍ତି । ଖବର ଅନୁଯାୟୀ, ଆତଙ୍କୀ ଗତିବିଧି ନେଇ ମଧ୍ୟପ୍ରଦେଶର ଜବଲପୁରରେ ଶନିବାର ଦିନ ଜାତୀୟ ତଦନ୍ତାକାରୀ ସଂସ୍ଥା ପକ୍ଷରୁ ରେଡ୍ କରାଯାଇଛି । ଏକାସାଙ୍ଗେ ୧୩ଟି ସ୍ଥାନରେ ଚଢାଉ ଜାରି ରହିଥିବା ସୂଚନା ମିଳିଛି । ଚଢାଉ ହେଉଥିବା ସ୍ଥାନମାନଙ୍କ ସହି ଆତଙ୍କୀ ସଂଗଠନ ଜମାତ-ଉଲ୍-ମୁଜାହିଦ୍ଦିନ ବାଂଲାଦେଶର ଲିଙ୍କ ରହିଛି । ଏ ନେଇ ଏନ୍ଆଇଏକୁ ପୂର୍ବରୁ ସୂଚନା ମଧ୍ୟ ମିଳିଛି । ଏହାସହିତ ଏହି ଆତଙ୍କବାଦୀ ସଂଗଠନ ସହିତ ଟଙ୍କା ନେଣଦେଣ ମଧ୍ୟ ଛାନ୍ଭିନ୍ କରୁଛି ଜାତୀୟ ତଦନ୍ତକାରୀ ସଂସ୍ଥା । ଏହି ରେଡ୍ରେ ମଧ୍ୟ ପ୍ରଦେଶ ପୋଲିସ ମଧ୍ୟ ସହଯୋଗ କରୁଛି । ଏହାପୂର୍ବରୁ ମେ’ ୨୫ରେ ଉତ୍ତରପ୍ରଦେଶର କିଛି ସ୍ଥାନରେ ଚଢାଉ କରିଥିଲା ଏନ୍ଆଇଏ । ସେହିଠାରୁ ହିଁ ମଧ୍ୟପ୍ରଦେଶର ଭୋପାଳରେ ଆତଙ୍କୀ ଲିଙ୍କ ମିଳିଥିଲା । ଯାହାପରେ ଅକ୍ସନକୁ ଆସିଛି ଜାତୀୟ ତଦନ୍ତକାରୀ ସଂସ୍ଥା ।