ଶାକାହାରୀ ହେବାର ଅନେକ ଲାଭ ହୋଇପାରେ, କିନ୍ତୁ ଯେତେବେଳେ ହାଡ ଏବଂ ମାଂସପେଶୀର କଥା ଆସେ, ଶାକାହାରୀମାନଙ୍କ ଅପେକ୍ଷା ମାଂସ ଖାଉଥିବା ବ୍ୟକ୍ତି ମାନେ ଭଲ । ନିକଟରେ ହୋଇଥିବା ଏକ ଅନୁସନ୍ଧାନରୁ ଜଣାପଡିଛି ଯେ ଶାକାହାରୀ ବା ନିରାମିଷ ଖାଉଥିବା ମହିଳାମାନଙ୍କର ବୃଦ୍ଧାବସ୍ଥାରେ ହିପ୍ ଫ୍ରାକ୍ଚର ହେବା ନେଇ ଯଥେଷ୍ଟ ସମ୍ଭାବନା ରହିଛି ବୋଲି ଏକ ରିପୋର୍ଟ ରେ ପ୍ରକାଶ ପାଇଛି । ବିଏମସି ମେଡିସିନ୍ ଜର୍ଣ୍ଣାଲରେ ପ୍ରକାଶିତ ଏକ ଅନୁସନ୍ଧାନରେ, ଶାକାହାରୀ ଖାଦ୍ୟ ଖାଉଥିବା ମହିଳାମାନଙ୍କ ମଧ୍ୟରେ ହିପ୍ ଫ୍ରାକ୍ଟର ହେବାର ସମ୍ଭାବନା ଥିବା ରିପୋର୍ଟ କରାଯାଇଛି । ଅନୁସନ୍ଧାନର ମୁଖ୍ୟ ଲେଖକ ତଥା ଲିଡସ୍ ୟୁନିଭରସିଟିର ସ୍କୁଲ୍ ଫୁଡ୍ ସାଇନ୍ସ ଆଣ୍ଡ ପୁଷ୍ଟିକର ଡକ୍ଟର ଅନୁସନ୍ଧାନକାରୀ ଜେମ୍ସ ୱେଷ୍ଟର୍ କହିଛନ୍ତି ଯେ ଏହି ଅନୁସନ୍ଧାନ ମାଧ୍ୟମରେ ଆପଣଙ୍କୁ ଶାକାହାରୀ ତ୍ୟାଗ କରିବା ଉଚିତ୍ ନୁହେଁ । ଆମେ ପୂର୍ବରୁ ଜାଣିଛୁ ମାଂସଜାତୀୟ ଖାଦ୍ୟ ରେ ଅଧିକ ପ୍ରୋଟିନ ରହି ଥାଏ । ଯାହାକି ହାଡ ଜାତୀୟ ସମସ୍ୟା ମାଂସ ପେଶୀ କୁ ସଦୃଢ଼ କରି ଥାଏ । ତେବେ ଶାକାହାରୀମାନଙ୍କ ପାଇଁ ଅନୁସନ୍ଧାନକାରୀମାନେ ବାର୍ତା ଦେଇଛନ୍ତି ଯେ, ଆପଣଙ୍କ ଶାକାହାରୀ ଖାଦ୍ୟ ଖାଆନ୍ତୁ କିନ୍ତୁ ଯେହେତୁ ଆପଣ ମାଛ, ମାଂସ ଖାଉନାହାନ୍ତି ତେଣୁ ପୋଷକ ତତ୍ୱ ଉପରେ ଅଧିକ ଧ୍ୟାନ ଦିଅନ୍ତୁ ବୋଲି ଲିଡସ୍ ବିଶ୍ୱବିଦ୍ୟାଳୟର ଗବେଷକ ଜେମ୍ସ ୱେଷ୍ଟର୍ କହିଛନ୍ତି । ଏହା ଆପଣଙ୍କ ଶରୀରରକୁ ଅଧିକ ଶକ୍ତି ଯୋଗେଇବ । ଏକ ଅନୁସନ୍ଧାନରେ, ୨୦ ବର୍ଷ ମଧ୍ୟରେ ୨୬,୩୧୮ ମହିଳା ଉପରେ ଧ୍ୟାନ ଦେଇଥିଲେ । ଏହି ମହିଳାମାନଙ୍କୁ ତିନି ଗୋଷ୍ଠୀରେ ବିଭକ୍ତ କରାଯାଇଥିଲା – ମାଂସ ଭୋଜନକାରୀ, ମାଛ ଭୋଜନକାରୀ ଏବଂ ଶାକାହାରୀ । ଏହି ୨୦ ବର୍ଷ ମଧ୍ୟରେ, ଅନୁସନ୍ଧାନକାରୀ ମାନେ ଏହି ମହିଳାମାନଙ୍କ ମଧ୍ୟରୁ ୩ ପ୍ରତିଶତ ହିପ୍ ଫ୍ରାକ୍ଚର୍ ରେକର୍ଡ କରିଛନ୍ତି । ଅର୍ଥାତ୍, ୮୨୨ ମହିଳାଙ୍କର ହିପ୍ ଫ୍ରାକ୍ଟର ଥିଲା । ଅନୁସନ୍ଧାନରୁ ଜଣାପଡିଛି ଯେ ଅଧିକାଂଶ ହାଡ଼ ଭାଙ୍ଗିବା ଜନିତ ରୋଗ ଶାକାହାରୀ ମହିଳା ମାନଙ୍କଠାରେ ଘଟିଛି