ଝାରସୁଗୁଡା ଝାରସୁଗୁଡା ସହରର ହିନ୍ଦୁ ସେବା ସମିତି ତରଫରୁ ରାଷ୍ଟ୍ରୀୟ ହିନ୍ଦୁ ନବବର୍ଷ ୨ଗୋଷ୍ଠୀ ମଧ୍ୟରେ ପ୍ରତିଯୋଗିତାମୂଳକ ଭାବେ ପାଳନ କରାଯାଇଥିବାର ଦେଖିବାକୁ ମିଳିଥିଲା । ଗୋଟିଏ ଗୋଷ୍ଠୀ ବିରାଟ ବାଇକ୍ ଶୋଭାଯାତ୍ରାରେ ବିଟିଏମ୍ରୁ ବାହାରି ସହର ମୁଖ୍ୟମାର୍ଗ ଦେଇ ମନମୋହନ ଏମ୍ଇ ସ୍କୁଲ୍ ପଡିଆରେ ପହଞ୍ଚôଥିଲା । ସେଠାରୁ ପୁଣି ଫେରି ସହର ପରିକ୍ରମା କରିଥିଲେ । ଏହିପରି ଅନ୍ୟ ଗୋଷ୍ଠୀ ସରବାହାଲ ହାଇସ୍କୁଲ୍ ସମ୍ମୁଖରୁ ଏକ ବିରାଟ ବାଇକ୍ ଶୋଭାଯାତ୍ରାରେ ବାହାରି ମନମୋହନ ସ୍କୁଲ୍ ପଡିଆରେ ପହଞ୍ଚô ସେଠାରୁ ପୁଣି ସହର ମୁଖ୍ୟମାର୍ଗ ଦେଇ କାଳୀ ମନ୍ଦିର ରାସ୍ତାରେ ଯାଇଥିଲା । ଏଥିରେ ଗୋଟିଏ ଗୋଷ୍ଠୀର ନେତୃତ୍ୱ ଭାଜପା ରାଜ୍ୟ ସମ୍ପାଦକ ଟଙ୍କଧର ତି୍ରପାଠୀ ନେଇଥିବାବେଳେ ଅନ୍ୟ ଗୋଷ୍ଠୀର ନେତୃତ୍ୱ ପୂର୍ବତନ ସ୍ୱାସ୍ଥ୍ୟମନ୍ତ୍ରୀ ସ୍ୱର୍ଗତ ନବ ଦାସଙ୍କ ପୁଅ ବିଶାଳ ଓ ଝିଅ ଦୀପାଳି ନେଇଥିଲେ । ଏହିପରି ବେଲପାହାଡ ରାଷ୍ଟ୍ରୀୟ ନବବର୍ଷ ସମାରୋହ ସମିତି ତରଫରୁ ବାଇକ୍ ଶୋଭାଯାତ୍ରା, କଳସ ଶୋଭାଯାତ୍ରା ସହର ପରିକ୍ରମା କରିଥିଲା । ଏଥିରେ ମୁଖ୍ୟ ଅତିଥି ଡା. ଟିକେ ଦାଶ, ଡା.ପିକେ ପଟେଲ, ଡା.ନକୁଳ ସାମଲ ଓ ସନ୍ତୋଷ ଅଗ୍ରୱାଲ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।