ନୂଆଦିଲ୍ଲୀ: ଆପଣ ଫିଲ୍ମରେ ଆଇରନ ମ୍ୟାନଙ୍କୁ ଦେଖିଥିବେ । ଏଥିରେ କିଭଳି ଅଭିନେତା ଏକ ସୁଟ ପିନ୍ଧି ଉଡିପାରୁଛନ୍ତି ତାହା ଦେଖିଥିବେ । ତେବେ ଆଇରନ ମ୍ୟାନ ଭଳି ଏବେ ଭାରତୀୟ ଯବାନମାନେ ମଧ୍ୟ ଉଡ଼ିପାରିବେ । ବାସ୍ତବରେ ସମ୍ବେଦନଶୀଳ ସୀମା ଅଞ୍ଚଳରେ ସାମଗ୍ରିକ ନୀରିକ୍ଷଣ ତଥା ଯୁଦ୍ଧ କ୍ଷମତାକୁ ଦୃଢ କରିବା ପାଇଁ ଭାରତୀୟ ସେନା ୧୩୦ଟି ଉନ୍ନତ ଡ୍ରୋନ୍ ସିଷ୍ଟମ କ୍ରୟ ପ୍ରକ୍ରିୟା ଆରମ୍ଭ କରିଛି । ଏହା ସହିତ ସେନା ମଧ୍ୟ ଆନୁଷଙ୍ଗିକ ସାମଗ୍ରୀ ସହିତ ୧୦୦ଟି ‘ରୋବୋଟିକ୍ ମ୍ୟୁଲ’ କିଣିବାକୁ ପ୍ରୟାସ ଆରମ୍ଭ କରିଛି । ଅଧିକାରୀମାନେ ଏହି ସୂଚନା ଦେଇଛନ୍ତି । ଅଧିକାରୀ କହିଛନ୍ତି ଯେ ଜରୁରୀକାଳୀନ କ୍ରୟ ଅଧୀନରେ ଡ୍ରୋନ କିଣିବାକୁ ଯୋଜନା କରାଯାଇଛି । ଏହି ବର୍ଗ ଅଧୀନରେ ୪୮ଟି ଜେଟ୍ ପ୍ୟାକ୍ ସୁଟ୍ କିଣିବା ପାଇଁ ମଧ୍ୟ ସେନା ଆଗ୍ରହୀ ୟୁନିଟ୍ ଠାରୁ ଅନୁରୋଧ ପାଇଁ ଚିଠି ମାଗିଛି । ଭାରତୀୟ ସେନା ୪୮ଟି ଜେଟ୍ ପ୍ୟାକ୍ ସୁଟ୍ କ୍ରୟ ପ୍ରକ୍ରିୟା ଆରମ୍ଭ କରିଛି । ଏହି ଜେଟ୍ ପ୍ୟାକ୍ ସୁଟ୍ ର ଅନେକ ଲାଭ ଅଛି । ସୀମାରେ ପୋଷ୍ଟ କରାଯାଇଥିବା ଯବାନମାନେ ମଧ୍ୟ ଜେଟ୍ ପ୍ୟାକ୍ ସୁଟ୍ ପିନ୍ଧି ଉଡିପାରିବେ । ସୂଚନା ଅନୁଯାୟୀ, ଜେଟ୍ ପ୍ୟାକ୍ ସୁଟରେ ପାଞ୍ଚଟି ଗ୍ୟାସ୍ ଟର୍ବାଇନ ଜେଟ୍ ଇଞ୍ଜିନ ଅଛି, ଯାହା ପ୍ରାୟ ୧୦୦୦ ହର୍ସ ପାୱାରର ଶକ୍ତି ଉତ୍ପାଦନ କରିଥାଏ । ଏହିପରି ସୁଟ୍ ଇନ୍ଧନ, ଡିଜେଲ କିମ୍ବା କିରୋସିନରେ ଚାଲିପାରିବ । ଜେଟ୍ ପ୍ୟାକ୍ ସୁଟର ଗତି ଘଣ୍ଟା ପ୍ରତି ୫୦ କିଲୋମିଟର ଥିବାବେଳେ ଏହି ସୁଟ ପିନ୍ଧି ଭାରତୀୟ ଯବାନମାନେ ପ୍ରତିକୂଳ ପରିସ୍ଥିତିରେ ବି ସୀମା ଉପରେ ନଜର ରଖିପାରିବେ ।