ଅକ୍ଟୋବର ୨ ହେଉଛି ଜାତିର ପିତା ମହାତ୍ମା ଗାନ୍ଧୀଙ୍କ ଜନ୍ମଦିବସ । ୧୮୬୯ ମସିହା ଅକ୍ଟୋବର ୨ ତାରିଖରରେ ପୋର ବନ୍ଦରରେ ଜନ୍ମଗ୍ରହଣ କରିଥିଲେ । ତେବେ କର୍ଣ୍ଣାଟକର ମାଙ୍ଗାଲୁରୁସ୍ଥିତ ଶ୍ରୀବ୍ରହ୍ମା ବୈଦରକଳା କ୍ଷେତ୍ର ଗରେଡିରେ ମହାତ୍ମାଗାନ୍ଧୀଙ୍କ ଏକ ମନ୍ଦିର ରହିଛି । ଏହି ମନ୍ଦିରରେ ବାପୁଙ୍କୁ ଦୁଇ ତିନିଥର ପୂଜା କରାଯାଉଛି । ପ୍ରତ୍ୟେକ ବର୍ଷ ଅକ୍ଟୋବର ୨ ଏବଂ ଅଗଷ୍ଟ ୧୫ରେ ବାପୁଙ୍କୁ ବିଶେଷ ପୂଜା କରାଯାଇଥାଏ । ୧୯୪୮ ମସିହାରେ ଏହି ମନ୍ଦିରଟି ନିର୍ମାଣ କରାଯାଇଥିଲା । ୨୦୦୬ରେ ବାପୁଙ୍କର ଏକ ପ୍ରତିମୂର୍ତ୍ତି ମଧ୍ୟ ତିଆରି କରାଯାଇଛି । ସେହିପରି ଓଡିଶାର ସମ୍ବଲପୁର ଜିଲ୍ଲା ଭଟାରା ଗାଁରେ ରହିଛି ବାପୁ ମନ୍ଦିର । ଏହି ମନ୍ଦିରରେ ୬ଫୁଟ୍ ଉଚ୍ଚତାର ବାପୁଙ୍କର ଏକ ମୂର୍ତ୍ତି ରହିଛି । ମୂର୍ତ୍ତି ଉପରେ ତ୍ରିରଙ୍ଗା ମଧ୍ୟ ଉଡୁଛି । ମନ୍ଦିର କାନ୍ଥରେ ବିଆର ଆମ୍ବେଦକରଙ୍କ ସହିତ ଅନ୍ୟ ମହାପୁରୁଷଙ୍କ ଫଟୋ ମଧ୍ୟ ରହିଛି । ଏହି ମନ୍ଦିରର ନିର୍ମାଣ ପ୍ରଥମେ ଗାନ୍ଧୀବାଦୀ ନେତା ଅଭିମନ୍ୟୁ କରିଥିଲେ । ଗ୍ରାମବାସୀଙ୍କ ସହଯୋଗରେ ମନ୍ଦିରଟି ନିର୍ମାଣ ହୋଇଥିଲା ।