ନୂଆଦିଲ୍ଲୀ: ଏସୀୟ କ୍ରୀଡ଼ାରେ ପଦକ
ଖାତା ଖୋଲିଲା ଭାରତ । ସୁଟିଂ ଓ
ରୋଇଂରେ ରୌପ୍ୟ ପଦକ ମିଳିଛି ।
ପ୍ରଥମ ଦିନରେ ଏପର୍ଯ୍ୟନ୍ତ ୫ଟି ମେଡାଲ
ମିଳିଛି । ୩ଟି ସିଲ୍ଭର ମେଡାଲ
ମିଳିଥିବା ବେଳେ ଦୁଇଟି କାଂସ୍ୟ ମେଡାଲ
ମିଳିଛି । ଅଶି ଚୌକ୍ସି, ମେହୁଲି ଘୋଷ
ଓ ରଶ୍ମିତାଙ୍କୁ ସୁଟିଂରେ ରୌପ୍ୟ ପଦକ
ମିଳିଛି । ମହିଳା ବର୍ଗରେ ୧୦ ମିଟର
ଏୟାର ରାଇଫଲ୍ସରେ ମେଡାଲ
ହାତେଇଛନ୍ତି ।ସେହିପରି ରୋଇଂରେ
ଭାରତ ଦ୍ୱିତୀୟ ରୌପ୍ୟ ପଦକ ପାଇଛି
। ଅର୍ଜୁନ୍ ଲାଲ ଜାଟ ଓ ଅରବିନ୍ଦ ସିଂହଙ୍କ
ଯୋଡ଼ି ପୁରୁଷ ଲାଇଟୱେଟ୍ ରୋଇଂରେ
୬:୨୮:୧୮ ସମୟ ନେଇ ଦ୍ୱିତୀୟ
ସ୍ଥାନରେ ରହିଛନ୍ତି । ଏହି ଇଭେଣ୍ଟରେ
ଚୀନ ୬:୨୩:୧୬ ସମୟ ସହ ସ୍ୱର୍ଣ୍ଣ
ଜିତିଛି । ସେହିଭଳି ରୋଇଂରେ ପୁରୁଷ
ଯୋଡ଼ିରେ ବାବୁଲାଲ୍ ଯାଦବ ଓ ଲେଖ୍
ରାମକୁ କାଂସ୍ୟା ପଦକ ମିଳିଛି । ମହିଳା
୧୦ମିଟର ଏୟାର ରାଇଫଲ୍ସ ସୁଟିଂରେ
ରଶ୍ମିତାଙ୍କୁ ବ୍ରୋଞ୍ଜ ମେଡାଲ ପାଇଛନ୍ତି ।
ସେପଟେ ଏସିଆନ୍ ଗେମ୍ସରେ ଭାରତୀୟ
ମହିଳା କ୍ରିକେଟ୍ ଦଳ ଫାଇନାଲକୁ ଯାଇଛି
। ସେମିଫାଇନାଲ୍ ମୁକାବିଲାରେ
ଭାରତୀୟ ଦଳ, ବାଂଲାଦେଶକୁ ୮
ୱିକେଟରେ ହରାଇଛି । ଭାରତ ଆଗରେ
ବାଂଲାଦେଶ ୫୨ ରନର ବିଜୟ ଲକ୍ଷ୍ୟ
ରଖିଥିଲା । ସୁଇମିଂ: ୧୦୦ମିଟର
ଫ୍ରୀ-ଷ୍ଟାଇଲ୍, ୧୦୦ମିଟର
ବ୍ୟାକ୍ଷ୍ଟ୍ରୋକ୍ ଏବଂ ମହିଳା ୪ଗୁଣା
୧୦୦ମିଟର ଫ୍ରୀ ଷ୍ଟାଇଲ୍ ଇଭେଣ୍ଟର
ପଦକ ରାଉଣ୍ଡ ଅନୁଷ୍ଠିତ ହେବ ।
ଏଥିରେ ଶ୍ରୀହରି ନଟରାଜ, ଉତ୍କର୍ଷ
ପାଟିଲ୍ଙ୍କ ଉପରେ ନଜର ରହିବ ।
ଭଲିବଲ୍: ପୁରୁଷ ଦଳ ଅବିଶ୍ୱସନୀୟ
ପ୍ରଦର୍ଶନ ଜାରି ରଖି କ୍ୱାର୍ଟର
ଫାଇନାଲ୍?ରେ ପ୍ରବେଶ କରିଛି ।
ଆସନ୍ତାକାଲି ଦଳ ଶକ୍ତିଶାଳୀ ଜାପାନକୁ
ଭେଟିବ । ଏହି ମ୍ୟାଚ୍ ଜିତିଲେ ଦଳ
ପଦକ ପଥରେ ଆଉ ପାଦେ ଆଗକୁ
ବଢ଼ିବ । ସେହିପରି ମହିଳା ବକ୍ସର
ଜରିନ ରାଉଣ୍ଡ ୩୨ରୁ ଅଭିଯାନ ଆରମ୍ଭ
କରିବେ । ପୁରୁଷ ହକି ଦଳ ଗ୍ରୁପ୍
ପର୍ଯ୍ୟାୟର ପ୍ରଥମ ମ୍ୟାଚରେ
ଉଜବେକିସ୍ତାନକୁ ଭେଟିବାକୁ
ଥିବାବେଳେ ଟେବୁଲ୍ ଟେନିସ୍ ଦଳ (ପୁରୁଷ
ଓ ମହିଳା), ଫୁଟବଲ୍ ଦଳ (ମହିଳା ଓ
ପୁରୁଷ) ଶ୍ରେଷ୍ଠ ପ୍ରଦର୍ଶନ ଦେବା ଲକ୍ଷ୍ୟରେ
ରହିବେ । ଚେସ୍ କ୍ରୀଡ଼ାରେ ଭାରତର
ପ୍ରତିଭାବାନ ଗ୍ରାଣ୍ଡ୍ମାଷ୍ଟର ଅର୍ଜୁନ
ଏରିଗାଇସି, ବିଦିତ ଗୁଜରାଠି, କୋନେରୁ
ହମ୍ପି ଓ ହାରିକା ଦ୍ରୋଣାଭାଲି ପ୍ରମୁଖ ଅଭିଯାନ
ଆରମ୍ଭ କରିବେ