ନୂଆଦିଲ୍ଲୀ: କୌଣସି ଆମ୍ବୁଲାନ୍ସ ଯାଉଥିବାବେଳେ ବାଟ ଛାଡିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଅନେକ ଥର ତାଙ୍କ କାରକେଡକୁ ଅଟକାଇଛନ୍ତି । ବର୍ତ୍ତମାନ ତାଙ୍କର ଆଉ ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ଚେତା ହରାଇଥିବା ଜଣେ କମାଣ୍ଡୋଙ୍କୁ ସାହାଯ୍ୟ କରୁଥିବା ନଜର ଆସିଛନ୍ତି । ଏହି ଭିଡିଓଟି ଆଜିକାର ବୋଲି କୁହାଯାଉଛି । ବାଙ୍ଗାଲୋରରେ ଇସ୍ରୋର ବୈଜ୍ଞାନିକମାନଙ୍କୁ ଭେଟିବା ପରେ ପ୍ରଧାନମନ୍ତ୍ରୀ ଦିଲ୍ଲୀ ଫେରିଥିଲେ । ଦିଲ୍ଲୀ ଫେରିବା ପରେ ପ୍ରଧାନମନ୍ତ୍ରୀ ମୋଦୀ ପାଲମ ବିମାନବନ୍ଦରରେ ଉପସ୍ଥିତ ଥିବା ଲୋକଙ୍କୁ ଚନ୍ଦ୍ରାୟନ -୩ ର ସଫଳତା ସମ୍ପର୍କରେ ସମ୍ବୋଧିତ କରିଥିଲେ । ଏହି ସମୟରେ, ଯେତେବେଳେ ଜଣେ ଏସପିଜି କମାଣ୍ଡୋ ବେହୋସ ହୋଇପଡିଥିଲେ, ସେତେବେଳେ ସେ ତାଙ୍କ ଚିକିତ୍ସା ପାଇଁ ବ୍ୟକ୍ତିଗତ ଡାକ୍ତର ଦଳ ପଠାଇଥିଲେ । ପ୍ରଧାନମନ୍ତ୍ରୀ ମୋଦୀ ତାଙ୍କ ଡାକ୍ତରଙ୍କୁ ଚିକିତ୍ସା ପାଇଁପଠାଉଥିବା ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି । ଭିଡିଓରେ ଦେଖାଯାଇଛି ଯେ ଦିଲ୍ଲୀରେ ହେବାକୁ ଥିବା ଜି -୨୦ ବୈଠକ ବାବଦରେ ମୋଦୀ ଭାଷଣ ଦେଉଥିଲେ ।ଏହି ସମୟରେ ପ୍ରଧାନମନ୍ତ୍ରୀଙ୍କ ସୁରକ୍ଷା ପାଇଁ ଠିଆ ହୋଇଥିବା ଜଣେ ଏସପିଜି କମାଣ୍ଡୋ ଚେତା ହରାଇ ତଳେ ପଡ଼ିଯାଇଥିଲେ । ପ୍ରଧାନମନ୍ତ୍ରୀ ମୋଦୀ ଏହା ଦେଖି ନିଜ ଭାଷଣକୁ ଅଧାରୁ ବନ୍ଦ କରି କହିଥିଲେ ଯେ ମୋର ଡାକ୍ତର ଦଳ ତୁରନ୍ତ ସେଠାରେ ପହଞ୍ଚି ଚେତା ହରାଇଥିବା ଯବାନଙ୍କର ଶୀଘ୍ର ଚିକିତ୍ସା କର । ଏହା ପରେ ଡାକ୍ତରଙ୍କ ଦଳ ତୁରନ୍ତ କମାଣ୍ଡୋଙ୍କ ପାଖକୁ ଯାଇଥିଲେ । ଏହାପରେ ମୋଦୀ ପଛରୁ କହିଥିଲେ ଯେ, କମାଣ୍ଡୋଙ୍କ ହାତ ଧରି ନେଇଯାଅ । ତାଙ୍କୁ ବସାଇ ଦିଅ ଓ ଜୋତା କାଢିଦିଅ । ଏହା ପରେ, ଡାକ୍ତରୀ ଦଳ ସେହି କମାଣ୍ଡୋକୁ ନେଇ ଚିକିତ୍ସା କରାଇଥିଲେ ।