ନୀତି ଆୟୋଗ ପକ୍ଷରୁ ପ୍ରକାଶିତ ପ୍ରଗତି ସମୀକ୍ଷା ରିପୋର୍ଟ-୨୦୨୩ରେ କୁହାଯାଇଛି ଦେଶରେ ଦାରିଦ୍ର୍ୟ ଗତ ୫ବର୍ଷ ମଧ୍ୟରେ ଅର୍ଥାତ ୨୦୧୫-୧୬ଠାରୁ ୨୦୧୯-୨୧ବର୍ଷ ମଧ୍ୟରେ ୨୪.୮୫ ପ୍ରତିଶତ ହ୍ରାସ ପାଇଛି । ଦେଶରେ ଦାରିଦ୍ର୍ୟ ହାର ଏବେ ୧୭.୯୭ ପ୍ରତିଶତ ରହିଛି । ଏହି ଅବଧି ମଧ୍ୟରେ ଗ୍ରାମାଚଂଳରେ ଗରିବଙ୍କ ସଂଖ୍ୟା ୩୨.୫୯ ପ୍ରତିଶତରୁ ୧୯.୨୮ ପ୍ରତିଶତକୁ ହ୍ରାସ ପାଇଥିବାବେଳେ ସହରାଚଂଳରେ ଗରିବଙ୍କ ସଂଖ୍ୟା ୮.୬୫ ପ୍ରତିଶତରୁ ୫.୨୭ ପ୍ରତିଶତକୁ ହ୍ରାସ ପାଇଛି । ଦେଶରେ ଗତ ୧୫ବର୍ଷରେ ଅର୍ଥାତ ଗତ ୨୦୦୫-୦୬ ଆର୍ଥୀକ ବର୍ଷରୁ ୨୦୧୯-୨୧ ଆର୍ଥୀକ ବର୍ଷ ମଧ୍ୟରେ ୪୧.୫ କୋଟି ଲୋକ ଦାରିଦ୍ର୍ୟ ସୀମାରେଖା ଉପରକୁ ଉଠିଥିବା ନେଇ ଜାତିସଂଘ ବିକାଶ କାର୍ଯ୍ୟକ୍ରମ (ୟୁଏନଡିପି) ପକ୍ଷରୁ ପ୍ରକାଶିତ ଏକ ରିପୋର୍ଟରେ କୁହାଯାଇଛି । ରିପୋର୍ଟରେ ଆହୁରି କୁହାଯାଇଛି ଯେ, ଭାରତରେ ୨୦୦୫-୦୬ ଆର୍ଥୀକ ବର୍ଷରେ ଦାରିଦ୍ର୍ୟ ହାର ୫୫.୧ ପ୍ରତିଶତ ଥିଲାବେଳେ ୨୦୧୯- ୨୧ ଆର୍ଥୀକ ବର୍ଷରେ ତାହା ୧୬.୪ ପ୍ରତିଶତକୁ ହ୍ରାସ ପାଇଛି । ସେହିପରି ଆହୁରି କୁହାଯାଇଛି ଯେ, ୨୦୦୫-୦୬ରେ ୬୪.୫ କୋଟି ଲୋକ ବିଭିନ୍ନ ପ୍ରକାରର ଦାରିଦ୍ର୍ୟ କବଳରେ ଥିବାବେଳେ ୨୦୧୫- ୧୬ ବେଳକୁ ତାହା ୩୭ କୋଟିକୁ ଏବଂ ୨୦୧୯-୨୧ ସୁଦ୍ଧା ସେମାନଙ୍କ ସଂଖ୍ୟା ୨୩ କୋଟିକୁ ହ୍ରାସ ପାଇଛି ।