ନୂଆଦିଲ୍ଲୀ: ଭାରତର ବୈଦେଶିକ ମୁଦ୍ରା ଭଣ୍ଡାର ପୁଣି ଥରେ ୬୦୦ ବିଲିୟନ ଡଲାର ଅତିକ୍ରମ କରିବାରେ ସଫଳ ହୋଇଛି । ଜୁଲାଇ ୧୪, ୨୦୨୩ ଶେଷ ସପ୍ତାହରେ ବୈଦେଶିକ ମୁଦ୍ରା ସଂରକ୍ଷଣ ୧୨.୭୪ ବିଲିୟନ ଡ଼ଲାରରେ ବୃଦ୍ଧି ହୋଇ ୬୦୯ ବିଲିୟନ ଡ଼ଲାରରେ ପହଞ୍ଚିଛି । ତଥ୍ୟ ପ୍ରକାଶ କରି ଆରବିଆଇ ଏହି ସୂଚନା ଦେଇଛି । ଏହାପୂର୍ବରୁ ଜୁଲାଇ ୭, ୨୦୨୩ ଶେଷ ସପ୍ତାହରେ, ବୈଦେଶିକ ମୁଦ୍ରା ଭଣ୍ଡାରରେ ୧.୨୩ ବିଲିୟନ ଡ଼ଲାର ବୃଦ୍ଧି ଘଟିଥିଲା । ଜୁନ୍ ୩୦, ୨୦୨୩ ଶେଷ ହେବାକୁ ଥିବା ସପ୍ତାହ ପାଇଁ ବୈଦେଶିକ ମୁଦ୍ରା ଭଣ୍ଡାର ୧.୮୫ ବିଲିୟନ ଡ଼ଲାରରେ ପହଞ୍ଚିଛି । ଜୁଲାଇ ୨୧, ୨୦୨୩ ଶୁକ୍ରବାର ଦିନ, ଆରବିଆଇ ବୈଦେଶିକ ମୁଦ୍ରା ସଂରକ୍ଷଣର ତଥ୍ୟ ପ୍ରକାଶ କରିଛି । ଏହି ଆକଳନ ଅନୁଯାୟୀ, ଜୁଲାଇ ୧୪ ଶେଷ ସପ୍ତାହରେ ବୈଦେଶିକ ମୁଦ୍ରା ଭଣ୍ଡାର ୧୨.୭୪ ବିଲିୟନ ଡ଼ଲାରରେ ବୃଦ୍ଧି ପାଇ ୬୦୯.୦୨୨ ବିଲିୟନ ଡ଼ଲାରରେ ପହଞ୍ଚିଛି । ଆରବିଆଇ ତଥ୍ୟ ଅନୁଯାୟୀ, ବୈଦେଶିକ ମୁଦ୍ରା ସମ୍ପତ୍ତି ୧୧.୧୯୮ ବିଲିୟନ ଡ଼ଲାର ସହିତ ୫୪୦.୧୬ ବିଲିୟନ ଡ଼ଲାରରେ ପହଞ୍ଚିଛି । ସୁନା ରିଜର୍ଭରେ ମଧ୍ୟ ୧.୧୩ ବିଲିୟନ ଡ଼ଲାର ବୃଦ୍ଧି ଘଟିଛି । ୧୧୩୭ ମିଲିୟନ ଡ଼ଲାର ସହିତ ସୁନା ରିଜର୍ଭ ୪୫.୧୯ ବିଲିୟନ ଡ଼ଲାରକୁ ଆସିଛି ।