ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ ପକ୍ଷରୁ ଗୁରୁବାର କୁହାଯାଇଛି ଯେ, ଭାରତୀୟ ବଜାରରେ ଯେତେ ୨ହଜାର ଟଙ୍କିଆ ନୋଟ ପ୍ରଚଳନ ପାଇଁ ଛଡାଯାଇଥିଲା ତା’ ଭିତରୁ ୫୦ ପ୍ରତିଶତ ବଦଳ ହୋଇସାରିଲାଣି । ପ୍ରାୟ ୧.୮ଲକ୍ଷ କୋଟି ଟଙ୍କାର ୨ହଜାର ଟଙ୍କିଆ ନୋଟ ଲୋକେ ବଦଳାଇ ନେଇ ସାରିଲେଣି । ତା’ ଭିତରୁ ୮୫ପ୍ରତିଶତ ବ୍ୟାଙ୍କ ଜମା ଆକାରରୁ ଆସିଛି । ମାର୍ଚ୍ଚ ୩୧ତାରିଖ ପର୍ଯ୍ୟନ୍ତ ୩.୬୨ଲକ୍ଷ କୋଟି ୨ଜହାର ଟଙ୍କିଆ ନୋଟ ବଜାରରେ ବ୍ୟବହାର ପାଇଁ ଥିଲା । ଏବେ ୨ହଜାର ଟଙ୍କିଆ ନୋଟ ରଦ୍ଦ ହୋଇସାରିଥିଲା ବେଳେ ସେପ୍ଟେମ୍ବର ୩୦ ପର୍ଯ୍ୟନ୍ତ ଏହାକୁ ବଦଳ କରାଯାଇପାରିବାର ସୁବିଧା କରାଯାଇଛି । ଯେ କୌଣସି ବ୍ୟାଙ୍କରେ ୨ହଜାର ଟଙ୍କିଆ ନୋଟ ସେପ୍ଟେମ୍ବର ୩୦ ପର୍ଯ୍ୟନ୍ତ ଜମା ବା ବଦଳ କରାଯାଇପାରିବ । ରିଜର୍ଭ ବ୍ୟାଙ୍କର ଗଭର୍ଣ୍ଣର ଦେଶବାସୀଙ୍କୁ ଅପିଲ କରିଛନ୍ତି ଯେ, ବଦଳ ସୀମାର ଶେଷ ୧୦ ରୁ ୧୫ଦିନ ଅଧିକ ଯାମ ହେବାକୁ ଦିଅନ୍ତୁ ନାହିଁ । ଯେଉଁମାନଙ୍କ ପାଖରେ ୨ହଜାର ଟଙ୍କିଆ ନୋଟ ଅଛି ସେମାନେ ଏହାକୁ ଡିପୋଜିଟ କରିବା ବା ବଦଳାଇବା ପାଇଁ ଶେଷ କିଛି ଦିନ ପର୍ଯ୍ୟନ୍ତ ଅପେକ୍ଷା କରନ୍ତୁ ନାହିଁ । ଭିଡ ନଥିଲା ବେଳେ ଆଗୁଆ ଡିପୋଜିଟ କରିଦିଅନ୍ତୁ ବୋଲି ସେ ଅନୁରୋଧ କରିଛନ୍ତି ।