ଜାତୀୟ ଗ୍ରାହକ ଦିବସ ପାଳିତ
ଭୁବନେଶ୍ୱର ତା ୨୫ା୧୨ା ଜାତୀୟ ଗ୍ରାହକ ଦିବସ ଅବସରରେ ଅଖିଳ ଭାରତୀୟ ଗ୍ରାହକ ପଞ୍ଚାୟତ, ଓଡିଶା ପୂର୍ବପ୍ରାନ୍ତ ତରଫରୁ ଏକ ରାଜ୍ୟସ୍ତରୀୟ କାର୍ଯ୍ୟକ୍ରମ ସ୍ଥାନୀୟ ଲୋହିଆ ଏକାଡେମୀର ସଭାଗୃହରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପ୍ରାକ୍ତନ କେନ୍ଦ୍ରୀୟ ଜି.ଏସ.ଟି ଓ ବାଣିଜ୍ୟକର ମୁଖ୍ୟ କମିଶନର ପିୟୁଷ ପଟ୍ଟନାୟକ ଯୋଗଦେଇଥିଲେ । ମୁଖ୍ୟବକ୍ତା ଭାବେଅର୍ଥବିଭାଗର ପ୍ରାକ୍ତନ ସ୍ୱତନ୍ତ୍ର ସଚିବ ପ୍ରଦୀପ କୁମାର ବିଶ୍ୱାଳ ଯୋଗଦେଇ ଗ୍ରାହକ ଆନ୍ଦୋଳନ, ଗ୍ରାହକ ସଂଗଠନ ଓ ଗ୍ରାହକ ସେବା ବିଷୟରେ ବ୍ୟାପକ ଆଲୋଚନା କରିଥିଲେ । ଓଡିଶାରେ ଦୀର୍ଘଦିନ ଧରି ଚାଲିଆସିଥିବା ଏହି ଆନ୍ଦୋଳନ ବିଷୟରେ ସେ ସମସ୍ତଙ୍କୁ ସଚେତନ କରିବା ସହ ଆଗାମୀ ଦିନରେ ଗ୍ରାହକ ସ୍ୱାର୍ଥରକ୍ଷା ପାଇଁ କାର୍ଯ୍ୟକରିବାକୁ ପରାମର୍ଶ ଦେଇଥିଲେ । ଅଖିଳ ଭାରତୀୟ ଗ୍ରାହକ ପଞ୍ଚାୟତ ଓଡିଶା ପୂର୍ବ ପ୍ରାନ୍ତର ସଂପାଦକ ଅଭୟ ଅନିର୍ବାଣ ଅତିଥିମାନଙ୍କୁ ସ୍ୱାଗତ କରିବା ସହ ନିଜ ବକ୍ତବ୍ୟ ରଖିଥିଲେ । କାର୍ଯ୍ୟକ୍ରମରେ ପ୍ରଦେଶ ଅଧ୍ୟକ୍ଷ ସୌମେନ୍ଦ୍ର ଜେନା ଅଧ୍ୟକ୍ଷତା କରିଥିଲେ । ରାଜ୍ୟର ଭିନ୍ନ ଭିନ୍ନ ସ୍ଥାନରୁ କାର୍ଯ୍ୟକର୍ତ୍ତାମାନେ ଏହି କାର୍ଯ୍ୟକ୍ରମରେ ସାମିଲ ହୋଇଥିଲେ ।