ପ୍ରଧାନମନ୍ତ୍ରୀ ଅକ୍ଟୋବର ୧ ତାରିଖରେ ଆରଏସଏସ ଶତାବ୍ଦୀ ସମାରୋହରେ ଯୋଗଦେବେ
ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଥିବା ସ୍ମାରକୀ ଡାକଟିକଟ ଏବଂ ମୁଦ୍ରା ପ୍ରଚଳନ କରିବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ/ଭୁବନେଶ୍ୱର, ୩୦/୦୯: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ୧ ଅକ୍ଟୋବର ୨୦୨୫ ସକାଳ ୧୦:୩୦ ରେ ନୂଆଦିଲ୍ଲୀର ଡକ୍ଟର ଆମ୍ବେଦକର ଆନ୍ତର୍ଜାତୀୟ କେନ୍ଦ୍ରରେ ରାଷ୍ଟ୍ରୀୟ ସ୍ୱୟଂସେବକ ସଂଘ (ଆରଏସଏସ)ର ଶତାବ୍ଦୀ ସମାରୋହରେ ମୁଖ୍ୟ ଅତିଥି ଭାବରେ ଯୋଗଦେବେ। ଏହି ଅବସରରେ ପ୍ରଧାନମନ୍ତ୍ରୀ ରାଷ୍ଟ୍ର ପ୍ରତି ଆରଏସଏସର ଅବଦାନକୁ ଦର୍ଶାଇ ଏକ ସ୍ୱତନ୍ତ୍ର ଭାବରେ ଡିଜାଇନ୍ କରାଯାଇଥିବା ସ୍ମାରକୀ ଡାକଟିକଟ ଏବଂ ମୁଦ୍ରା ପ୍ରଚଳନ କରିବା ସହିତ ସମାବେଶକୁ ମଧ୍ୟ ସମ୍ବୋଧିତ କରିବେ।
୧୯୨୫ ମସିହାରେ ଡକ୍ଟର କେଶବ ବଳିରାମ ହେଡଗେୱାରଙ୍କ ଦ୍ୱାରା ମହାରାଷ୍ଟ୍ରର ନାଗପୁରରେ ସ୍ଥାପିତ ଆରଏସଏସ ଏକ ସ୍ୱୟଂସେବକ-ଭିତ୍ତିକ ସଂଗଠନ ଭାବରେ ପ୍ରତିଷ୍ଠିତ ହୋଇଥିଲା, ଯାହାର ଲକ୍ଷ୍ୟ ଥିଲା ନାଗରିକମାନଙ୍କ ମଧ୍ୟରେ ସାଂସ୍କୃତିକ ସଚେତନତା, ୍ଅନୁଶାସନ, ସେବା ଏବଂ ସାମାଜିକ ଦାୟିତ୍ୱକୁ ପ୍ରୋତ୍ସାହିତ କରିବା।
ରାଷ୍ଟ୍ରୀୟ ସ୍ୱୟଂସେବକ ସଂଘ ରାଷ୍ଟ୍ରର ପୁନର୍ନିର୍ମାଣ ଉଦ୍ଦେଶ୍ୟରେ ଏକ ଅନନ୍ୟ ଜନ-ସମର୍ଥିତ ଆନ୍ଦୋଳନ ଅଟେ । ଏହାର ପ୍ରତିଷ୍ଠାକୁ ଶତାବ୍ଦୀ ଶତାବ୍ଦୀ ଧରି ଚାଲିଥିବା ବିଦେଶୀ ଶାସନର ପ୍ରତିକ୍ରିୟା ଭାବରେ ଦେଖାଯାଏ । ଏହାର ନିରନ୍ତର ଅଭିବୃଦ୍ଧିର ଶ୍ରେୟ ଧର୍ମରେ ନିହିତ ଭାରତୀୟ ରାଷ୍ଟ୍ରୀୟ ଗୌରବରେ ଓତପ୍ରୋତ ଦୃଷ୍ଟିକୋଣର ଭାବନାତ୍ମକ ପ୍ରତିଧ୍ୱନୀକୁ ଦିଆଯାଏ।
ସଂଘର ମୁଖ୍ୟ ଲକ୍ଷ୍ୟ ହେଉଛି ଦେଶପ୍ରେମ ଏବଂ ରାଷ୍ଟ୍ରୀୟ ଚରିତ୍ର ନିର୍ମାଣ। ଏହା ମାତୃଭୂମି ପ୍ରତି ସମର୍ପଣ, ଅନୁଶାସନ, ସଂଯମ, ସାହସ ଏବଂ ବୀରତ୍ୱର ସଞ୍ଚରଣ । ସଂଘର ଅନ୍ତିମ ଲକ୍ଷ୍ୟ ହେଉଛି ଭାରତର “ସର୍ବାଙ୍ଗୀନ ବିକାଶ’, ଯେଉଥିପାଇଁ ପ୍ରତ୍ୟେକ ସ୍ୱୟଂସେବକ ସମର୍ପଣ ଭାବନା ନେଇ କାମ କରୁଛନ୍ତି ।
ଗତ ଶତାବ୍ଦୀରେ ଆରଏସଏସ ଶିକ୍ଷା, ସ୍ୱାସ୍ଥ୍ୟ, ସାମାଜିକ କଲ୍ୟାଣ ଏବଂ ବିପର୍ଯ୍ୟୟ ସହାୟତା କ୍ଷେତ୍ରରେ ମହତ୍ୱପୂର୍ଣ୍ଣ ଭୁମିକା ଗ୍ରହଣ କରିଛି । ଆରଏସଏସର ସ୍ୱୟଂସେବକମାନେ ବନ୍ୟା, ଭୂମିକମ୍ପ ଏବଂ ବାତ୍ୟା ଭଳି ପ୍ରାକୃତିକ ବିପର୍ଯ୍ୟୟ ସମୟରେ ରିଲିଫ୍ ଏବଂ ପୁନର୍ବାସ କାର୍ଯ୍ୟରେ ସକ୍ରିୟ ଭାବରେ ଅଂଶଗ୍ରହଣ କରିଛନ୍ତି। ଏହା ବ୍ୟତୀତ ସଂଘର ବିଭିନ୍ନ ସହଯୋଗୀ ସଂଗଠନ ଯୁବପିଢ଼ି, ମହିଳା ଏବଂ କୃଷକମାନଙ୍କୁ ସଶକ୍ତ କରିବା, ଜନସହଭାଗିତାକୁ ପ୍ରୋତ୍ସାହିତ କରିବା ଏବଂ ସ୍ଥାନୀୟ ଗୋଷ୍ଠୀଗୁଡ଼ିକୁ ସୁଦୃଢ଼ କରିବାରେ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି।
ଶତାବ୍ଦୀ ସମାରୋହ ପାଳନ କେବଳ ସଂଘର ଐତିହାସିକ ଉପଲବ୍ôଧର ସମ୍ମାନ ନୁହେଁ, ବରଂ ଭାରତର ସାଂସ୍କୃତିକ ଯାତ୍ରାରେ ତାହାର ସ୍ଥାୟୀ ଯୋଗଦାନ ଏବଂ ରାଷ୍ଟ୍ରୀୟ ଏକତାର ସନ୍ଦେଶ ପ୍ରଦାନ କରିବା ହେଉଛି ମହତ୍ୱପୂର୍ଣ୍ଣ ।