ସାମାଜିକ, କଲ୍ୟାଣ ଏବଂ ସୁରକ୍ଷା କ୍ଷେତ୍ରରେ ସଂସ୍କାର ମୂଳକ ପଦକ୍ଷେପ ଚିହ୍ନଟ ପାଇଁ, ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟ ପକ୍ଷରୁ ସେପ୍ଟେମ୍ବର ୯ ତାରିଖରେ ଏକ ପରାମର୍ଶ କର୍ମଶାଳାର ଆୟୋଜନ କରାଯାଇଥିଲା ।
ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟର ସଚିବ ଶ୍ରୀ ଅନିଲ ମଲିକଙ୍କ ଅଧ୍ୟକ୍ଷତାରେ ଏହି କର୍ମଶାଳା ଅନୁଷ୍ଠିତ ହୋଇଥିଲା। ଅଧିବେଶନରେ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକର ପ୍ରତିନିଧିମାନେ ସକ୍ରିୟ ଅଂଶଗ୍ରହଣ କରିଥିଲେ।
ଆଲୋଚନାରେ ମିଶନ ସକ୍ଷମ ଅଙ୍ଗନୱାଡି ଏବଂ ପୋଷଣ ୨.୦ ଅନ୍ତର୍ଗତ ସଂସ୍କାରମାନଙ୍କୁ ଗୁରୁତ୍ୱ ଦିଆଯାଇଥିଲା। ଏହାର ପ୍ରମୁଖ ଲକ୍ଷ୍ୟ ପୁଷ୍ଟିସାର ଏବଂ ଇସିସିଇ ପ୍ରଦାନରେ ଉନ୍ନତି କରିବା, ମିଶନ ଶକ୍ତି ମାଧ୍ୟମରେ ମହିଳାମାନଙ୍କ ସୁରକ୍ଷା, ସୁରକ୍ଷା ଓ ସଶକ୍ତିକରଣକୁ ସୁଦୃଢ଼ କରିବା ସହିତ ମିଶନ ବାତ୍ସଲ୍ୟ ମାଧ୍ୟମରେ ଶିଶୁମାନଙ୍କ ସାମଗ୍ରିକ ବିକାଶ ଓ ସୁରକ୍ଷାକୁ ସୁନିଶ୍ଚିତ କରିବା ।
ସମସ୍ତ ରାଜ୍ୟ ଏବଂ କେନ୍ଦ୍ରଶାସିତ ପ୍ରଦେଶର ସଚିବମାନେ, ଶେଷ ମାଇଲ ପର୍ଯ୍ୟନ୍ତ ସେବା ଯୋଗାଣକୁ ସୁଦୃଢ଼ କରିବା ତଥା ମହିଳା ଓ ଶିଶୁ-କେନ୍ଦ୍ରିକ ଅଭିବୃଦ୍ଧି ସୁନିଶ୍ଚିତ କରିବା ପାଇଁ, ଆଇନଗତ, ନୀତିଗତ, ପ୍ରକ୍ରିୟାଗତ ଓ ସାଂଗଠନିକ ସଂସ୍କାର ବିଷୟରେ ମୂଲ୍ୟବାନ ମତାମତ ପ୍ରଦାନ କରିଥିଲେ।
ଏହି କାର୍ଯ୍ୟଶାଳା ମାଧ୍ୟମରେ ସହଯୋଗପୂର୍ଣ୍ଣ ସଂସ୍କାର ପଦକ୍ଷେପ ଏବଂ ସମ୍ପ୍ରଦାୟର ସକ୍ରିୟ ଅଂଶଗ୍ରହଣ ମାଧ୍ୟମରେ, ‘ସର୍ବ ପ୍ରଥମେ ମହିଳା ଏବଂ ଶିଶୁ’ ଆଭିମୁଖ୍ୟ ପ୍ରତି ମହିଳା ଓ ଶିଶୁ ବିକାଶ ମନ୍ତ୍ରଣାଳୟର ପ୍ରତିବଦ୍ଧତାକୁ ଦୋହରାଇଥିଲା।