ଦଲାଇଲାମା କହିଛନ୍ତି ଯେ ଆଗକୁ ବି ଦଲାଇଲାମା ଅନୁଷ୍ଠାନ ଜାରି ରହିବ ।ବର୍ତ୍ତମାନର ଦଲାଇଲାମା ଅର୍ଥାତ୍ ୧୪ତମ ଦଲାଇଲାମାଙ୍କ ପକ୍ଷରୁ ଜାରି ବୟାନରେ କୁହାଯାଇଛି ଯେ ଦଲାଇଲାମା ଅନୁଷ୍ଠାନକୁ ଜାରି ରଖିବାକୁ ତିବ୍ବତୀୟ ଲୋକ, ମଙ୍ଗୋଲିଆ, ଚୀନ ଓ ସାରା ବିଶ୍ବରେ ଥିବା ବୌଦ୍ଧ ସଂପ୍ରଦାଯ ଦଲାଇଲାମାଙ୍କୁ ଅନୁରୋଧ କରିଥିଲେ । ଏହାକୁ ଗ୍ରହଣ କରାଯାଇଛି ।
ଧର୍ମଶାଳାରେ ଅନୁଷ୍ଠିତ ୧୪ତମ ତିବ୍ବତୀୟ ଆଧ୍ୟାତ୍ମିକ ସମ୍ମିଳନୀ ଅବସରରେ ତିବ୍ବତୀୟ ପ୍ରଶାସନର ଅଧ୍ୟକ୍ଷ ସେରିଂ ସିକ୍ୟୋଙ୍ଗ କହିଛନ୍ତି ଯେ ତିବ୍ବତୀୟ ପରମ୍ପରା ଅନୁସାରେ ହିଁ ନୂଆ ଦଲାଇଲାମାଙ୍କ ଚୟନ କରାଯିବ । ଏଥିରେ ଚୀନର ହସ୍ତକ୍ଷେପକୁ ବରଦାସ୍ତ କରାଯିବ ନାହିଁ ।