ଆମେରିକା ଏବେ ଇରାନ ଏବଂ ଇସ୍ରାଏଲ ମଧ୍ୟରେ ଚାଲିଥିବା ଯୁଦ୍ଧରେ ସାମିଲ ହୋଇଛି। ଆମେରିକା ଇରାନର ତିନୋଟି ପରମାଣୁ ସ୍ଥାନ ଫୋର୍ଡୋ, ନାଟାଞ୍ଜ ଏବଂ ଇସଫାହାନ ଉପରେ ବିମାନ ଆକ୍ରମଣ କରିଛି। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ସୋସିଆଲ ମିଡିଆରେ ଏହି ସୂଚନା ଦେଇଛନ୍ତି। ଟ୍ରମ୍ପ୍ କହିଛନ୍ତି, ଏହି ଆକ୍ରମଣ ଦ୍ୱାରା ସେ ଆଶ୍ୱସ୍ତ ଅନୁଭବ କରୁଛନ୍ତି।
ଟ୍ରମ୍ପ୍ ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି, ଆମେ ଇରାନର ତିନୋଟି ପରମାଣୁ ସ୍ଥାନ, ଫୋର୍ଡୋ, ନାଟାଞ୍ଜ ଏବଂ ଏସଫାହାନ ଉପରେ ଆମର ସଫଳ ଆକ୍ରମଣ ସମାପ୍ତ କରିଛୁ। ସମସ୍ତ ବିମାନ ଏବେ ଇରାନ ଆକାଶ ସୀମା ବାହାରକୁ ଫେରି ଆସିଛନ୍ତି। ପ୍ରାଥମିକ ସ୍ଥାନ, ଫୋର୍ଡୋରେ ସମ୍ପୂର୍ଣ୍ଣ ବୋମା ପକାଯାଇଛି।
ଭାରତୀୟ ସମୟ ଭୋର୍ ସାଢ଼େ ୪ଟାରେ ଏହି ଆକ୍ରମଣ କରାଯାଇଛି। ଆମେରିକୀୟ ସେନାର ପ୍ରଶଂସା କରି ଟ୍ରମ୍ପ୍ କହିଛନ୍ତି, ସମସ୍ତ ବିମାନ ସୁରକ୍ଷିତ ଭାବରେ ଘରକୁ ଫେରୁଛନ୍ତି। ଆମର ମହାନ ଆମେରିକୀୟ ଯୋଦ୍ଧାମାନଙ୍କୁ ଅଭିନନ୍ଦନ। ବିଶ୍ୱରେ ଅନ୍ୟ କୌଣସି ସେନା ଏହା କରିପାରି ନଥାନ୍ତା। ଏବେ ଶାନ୍ତିର ସମୟ! ଏହି ପ୍ରସଙ୍ଗ ପ୍ରତି ଆପଣଙ୍କ ଧ୍ୟାନ ପାଇଁ ଧନ୍ୟବାଦ।