ନୂଆଦିଲ୍ଲୀ,- ଅମରନାଥ ତୀର୍ଥଯାତ୍ରୀଙ୍କୁ ଶୁଭକାମନା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସୋସିଆଲ ମିଡିଆ ଏକ୍ସରେ ପ୍ରଧାନମନ୍ତ୍ରୀ କହିଛନ୍ତି ଯେ, ପବିତ୍ର ଅମରନାଥ ଯାତ୍ରାର ଶୁଭାରମ୍ଭ ଅବସରରେ ସମସ୍ତ ତୀର୍ଥଯାତ୍ରୀଙ୍କୁ ମୋର ହାର୍ଦ୍ଦିକ ଶୁଭକାମନା । ବାବା ବର୍ଫାନୀଙ୍କ ଦର୍ଶନ ଓ ବନ୍ଦନରେ ଜଡିତ ଏହି ଯାତ୍ରା ଶିବଭକ୍ତଙ୍କ ମଧ୍ୟରେ ଅସୀମ ଉର୍ଜାର ସଂଚାର କରିଥାଏ । ତାଙ୍କ କୃପାରୁ ସମସ୍ତ ଶ୍ରଦ୍ଧାଳୁଙ୍କ କଲ୍ୟାଣ ହେଉ, ଏହାହିଁ କାମନା ।