ନୂଆଦିଲ୍ଲୀ: ଭାରତୀୟ ମହାକାଶ ଗବେଷଣା ସଙ୍ଗଠନ (ଇସ୍ରୋ) ରବିବାର ପୁଣି ଥରେ ସଫଳତାର କାହାଣୀ ଲେଖିଛି । ଇସ୍ରୋ ରବିବାର ଲଗାତର ତୃତୀୟ ଥର ରିୟୁଜେବୁଲ ଲଂଚ ଭେହିକିଲ ପୁଷ୍ପକର ଲ୍ୟାଣ୍ଡିଂ ଏକ୍ସପେରିମେଂଟରେ ସଫଳତା ହାସଲ କରିଛି । ସୂଚନା ମୁତାବକ କର୍ଣ୍ଣାଟକର ଚିତ୍ରଦୁର୍ଗରେ ରବିବାର ସକାଳ ୭.୧୦ରେ ଲ୍ୟାଣ୍ଡିଂ ଏକ୍ସପେରିମେଂଟର ତୃତୀୟ ଓ ଅନ୍ତିମ ଟେଷ୍ଟ କରାଯାଇଛି । ଚିତ୍ରଦୁର୍ଗର ଏରୋନେଟିକାଲ ଟେଷ୍ଟ ରେଂଜରେ ପୁଷ୍ପକକୁ ଇଣ୍ଡିଆନ ଏୟାରଫୋର୍ସର ଚିନୁକ ହେଲିକପ୍ଟରରେ ୪.୫ କିଲୋମିଟର ଉଚ୍ଚରେ ନିଆଯାଇଥିଲା ଏବଂ ରନୱେରେ ଅଟୋନମସ ଲ୍ୟାଣ୍ଡିଂ ପାଇଁ ଛଡାଯାଇଥିଲା । ପୁଷ୍ପକରେ କ୍ରସ ରେଂଜ କରେକ୍ସନ ମନୁୱରକୁ କାର୍ଯ୍ୟକାରୀ କରି ହରିଜେଂଟାଲ ଲ୍ୟାଣ୍ଡିଂକୁ ସଫଳ ଭାବେ ପୂର୍ଣ୍ଣ କରାଯାଇଛି । ଏଠାରେ ସୂଚନାଯୋଗ୍ୟ ପ୍ରଥମ ଲ୍ୟାଣ୍ଡିଂ ପରୀକ୍ଷଣ ୨୦୨୩ ଏପ୍ରିଲ ୨ରେ ଓ ଦ୍ୱିତୀୟ ୨୦୨୪, ମାର୍ଚ୍ଚ ୨୨ରେ କରାଯାଇଥିଲା ।