ଅଯୋଧ୍ୟା : ଅଯୋଧ୍ୟାର ରାମ ମନ୍ଦିର ଆତଙ୍କବାଦୀଙ୍କ ଟାର୍ଗେଟରେ ଆସିଛି । ପାକିସ୍ତାନର ଆତଙ୍କବାଦୀ ସଂଗଠନ ଜୈସ-ଏ-ମହମ୍ମଦ ଅଡିଓ ଜାରି କରି ରାମ ମନ୍ଦିର ଉପରେ ଆକ୍ରମଣ ପାଇଁ ଚେତାବନୀ ଦେଇଛି। ସେପଟେ ଏହି ଆତଙ୍କବାଦୀ ଆକ୍ରମଣ ସମ୍ପର୍କରେ ସୂଚନା ମିଳିବା ପରେ ପୁଲିସ ପ୍ରଶାସନ ସତର୍କ ହୋଇପଡିଛି । ମନ୍ଦିର ପରିସରର ସୁରକ୍ଷା ବ୍ୟବସ୍ଥାକୁ ମଧ୍ୟ ବଢ଼ାଇ ଦିଆଯାଇଛି। ଜୈଶ-ଏ-ମହମ୍ମଦ ପୂର୍ବରୁ ବି ଅଯୋଧ୍ୟାରେ ଆତଙ୍କବାଦୀ ଆକ୍ରମଣ କରିସାରିଛି । ୨୦୦୫ ମସିହା ଜୁଲାଇ ୫ରେ ଏହି ଆତଙ୍କବାଦୀ ସଂଗଠନ ଏକ ବାରୁଦ ଭର୍ତ୍ତି ଜିପ୍ ନେଇ ମନ୍ଦିର ଉପରେ ଆକ୍ରମଣ କରିଥିଲା।