ଟାଙ୍ଗୀ-ଚୌଦ୍ୱାର: ଚୌଦ୍ୱାର ଥାନା ଅନ୍ତର୍ଗତ ଆଗ୍ରାହାଟ ସରସ୍ୱତୀ ଶିଶୁ ବିଦ୍ୟାମନ୍ଦିର ପରିସରରେ ଚୌଦ୍ୱାର ସଂକୁଳର ଏକ ଜରୁରୀକାଳୀନ ବୈଠକ ଅନୁଷ୍ଠିତ ହୋଇଯାଇଛି । ବିଦ୍ୟାମନ୍ଦିରର ସଭାପତି ତଥା ସର୍ବଭାରତୀୟ ଶିକ୍ଷକ ନେତା ପ୍ରତାପ କିଶୋର ମହାପାତ୍ର, ଉପସଭାପତି ବିଜୟ କୁମାର ଜେନା, ସମ୍ପାଦକ ଶତୃଘ୍ନ ବେହେରାଙ୍କ ସହିତ ସଙ୍କୁଳର ୧୧ଜଣ ପ୍ରଧାନଶିକ୍ଷକ ଯୋଗ ଦେଇ ବିଦ୍ୟାଳୟର ଶୈକ୍ଷିକ ବାତାବରଣ ତଥା ଶିକ୍ଷା, ସ୍ୱାସ୍ଥ୍ୟ ଓ ପରିବେଶ ଉପରେ ଆଲୋକପାତ କରିଥିଲେ । ପ୍ରଧାନଆଚାର୍ଯ୍ୟ ବିଜୟ ପ୍ରତାପ ସାହୁ ଅତିଥି ପରିଚୟ ଓ ସ୍ୱାଗତ ଭାଷଣ ପ୍ରଦାନ କରିଥିବା ବେଳେ ପ୍ରତାପ କୁମାର ବାରିକ, ବିଜୟ କୁମାର ପାଣି, ସୁବାସ ଚନ୍ଦ୍ର ନାୟକ, ସ୍ନିଗ୍ଧା ନାୟକ, ଅନିତା ନାୟକ, ପ୍ରକାଶ କୁମାର ରାଉତ, ସୁବାସ ଚନ୍ଦ୍ର ରାଉତ, ଅରକ୍ଷିତ ସ୍ୱାଇଁ, ନିରଞ୍ଜନ ମାଝୀ ଓ ଉମେଶ ଚନ୍ଦ୍ର ନାୟକ ପ୍ରମୁଖ ଶିକ୍ଷାର ଉନ୍ନତି ସହ ବିଭିନ୍ନ ସମସ୍ୟାର କିପରି ସୁସମାଧାନ ହୋଇ ସଙ୍କୁଳର ସର୍ବାଙ୍ଗୀନ ଉନ୍ନତି ହୋଇପାରିବା ସହିତ ସାମୁହିକ ଆଦର୍ଶ ପ୍ରଶିକ୍ଷଣ ବର୍ଗ ଉପରେ ଆଲୋଚନା କରିଥିଲେ । ଶେଷରେ ବରିଷ୍ଠ ଗୁରୁଜୀ କ୍ଷୀରୋଦ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ ା