ତିହିଡ଼ି଼ି: ଭଦ୍ରକ ଜିଲା ତିହିଡ଼ି ଥାନା ଅଧୀନ ପାଳିଆ ଗ୍ରାମରୁ ଏକ ଗୋରୁ ବୋଝେଇ ଡାଲା ଅଟୋକୁ ପୁଲିସ ମଙ୍ଗଳବାର ରାତିରେ ଜବତ କରିଛି । ଏ ସମ୍ପର୍କରେ ପୋଲିସ ୧୭୩/୨୪ରେ ଏକ ମକଦ୍ଦମା ରୁଜୁ କରି ଗାଡ଼ି ଚାଳକ ଗୁଜିଦରଡ଼ା ନସିରାବାଦ ଅଞ୍ଚଳର ଏଲିଆସ କାଲାମୁଦ୍ଦିନ ଓ ବେପାରୀ ସେକ୍ ମୁସ୍ତାକକୁ ଗିରଫ କରି କୋର୍ଟଚାଲାଣ କରିଥିବା ବେଳେ ଗାଡ଼ିରେ ଥିବା ୫ଟି ଗୋରୁଙ୍କୁ ସେହି ରାତିରେ ମଇତାପୁର ସ୍ଥିତ ଗୋଶାଳାରେ ଛାଡ଼ିଥିବା ଜଣା ପଡ଼ିଛି । ପ୍ରକାଶ ଯେ, ମଙ୍ଗଳବାର ରାତିରେ ତିହିଡ଼ି ଥାନା ଆଇଆଇସି ପ୍ରସନ୍ନ କୁମାର ନାୟକଙ୍କ ନିର୍ଦ୍ଦେଶକ୍ରମେ ଏଏସଆଇ ଲକ୍ଷ୍ମଣ ମାରାଣ୍ଡିଙ୍କ ସହିତ ପୋଲିସ ଟିମ୍ ପେଟ୍ରୋଲିଂ କରୁଥିଲେ । ଏହି ପେଟ୍ରୋଲିଂ ସମୟରେ ପାଳିଆ ଗ୍ରାମରୁ ଏକ ଡାଲା ଅଟୋରେ ୫ଟି ଗୋରୁ ନିର୍ଦ୍ଦୟ ଭାବେ ଗୋଡ଼ ମୁହଁ ବାନ୍ଧି ବୋଝେଇ କରି ଭଦ୍ରକ ଅଭିମୁଖେ ଯାଉଥିବା ବେଳେ ପୁଲିସ ନଜରକୁ ଆସିଥିଲା । ପୁଲିସ ଗାଡ଼ିକୁ ଅଟକାଇ ଯାଞ୍ଚ କରିଥିବା ବେଳେ ବେଆଇନ ଭାବେ ଗୋରୁ ଚାଲାଣ ହେଉଥିବା ଜାଣିବାକୁ ପାଇଥିଲେ