ଢେଙ୍କାନାଳ : ଢେଙ୍କାନାଳ ଜିଲ୍ଲା ଓଡାପଡା ବ୍ଲକ୍ ଅନ୍ତର୍ଗତ ମୋଟଙ୍ଗା ସରସ୍ୱତୀ ଶିଶୁ ବିଦ୍ୟାମନ୍ଦିର ପରିସରରେ ରାଷ୍ଟ୍ରୀୟ ହିନ୍ଦୁ ନବବର୍ଷ ବିଦ୍ୟାଳୟର ପ୍ରଧାନ ଆଚାର୍ଯ୍ୟ ମିଲୁ ଚରଣ ଦେହୁରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି । ବରିଷ୍ଠ ଆଚାର୍ଯ୍ୟ କ୍ଷୀରୋଦ କୁମାର ସାହୁ ମଞ୍ଚାସୀନ ଅତିଥିଙ୍କର ପରିଚୟ ପ୍ରଦାନ କରିଥିବାବେଳେ ଶିଶୁବାଟିକା ପ୍ରମୁଖ ରତ୍ନପ୍ରଭା ସାହୁ ରାଷ୍ଟ୍ରୀୟ ହିନ୍ଦୁ ନବ ବର୍ଷର ମୂଲ୍ୟଯୁକ୍ତ ମହତ୍ୱ ବିଷୟରେ ଆଲୋକପାତ କରିଥିଲେ । ଆଚାର୍ଯ୍ୟ ପ୍ରିୟଙ୍କା ସାହୁ, ପୂଜା ନାୟକ, ପିଙ୍କିରାଣୀ ଦାଶ ଓ ଶିଶୁ ଭାରତୀର ଶିଶୁ ଭାଇଭଉଣୀ ମଞ୍ଚ ପରିଚାଳନାରେ ସହଯୋଗ ରଖିଥିଲେ । ଆଚାର୍ଯ୍ୟା ପ୍ରିୟତମା ସାହୁ ଧନ୍ୟବାଦ ଅର୍ପଣ କରିଥିଲେ । ଶେଷରେ ଶାଖା ଲଗାଯାଇ ଉକ୍ତ ଦିନର କାର୍ଯ୍ୟକୁ ସମାପନ କରାଯାଇଥିଲା ।