ମୁମ୍ବାଇ : ବଲିଉଡର ଅକ୍ଷୟ କୁମାର ଶୁଟିଂରୁ ବିରତି ନେଇ ଖେରୱାରା ଥିବା ବନବାସୀ କଲ୍ୟାଣ ପରିଷଦ ହଷ୍ଟେଲ ପରିଦର୍ଶନ କରିଥିଲେ । ସେଠାରେ ସେ ପିଲାମାନଙ୍କ ସହିତ ପୂଜା ଅର୍ଚ୍ଚନା କଲେ । ଏହାର ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଇଛି । ଯେତେବେଳେ ଅଭିନେତା ସେଠାରେ ପହଞ୍ଚିଲେ, ସେତେବେଳେ ଆଳତୀ ହେଉଥିଲା । ଅଭିନେତା ଏଥିରେ ଭାଗ ନେଇଥିଲେ । ପିଲାମାନେ ତାଙ୍କୁ ଦେଖିବା କ୍ଷଣି ଖୁସି ହୋଇଯାଇଥିଲେ । ଏହା ପରେ ଅଭିନେତା ପିଲାମାନଙ୍କ ସହ କଥା ହୋଇଥିଲେ ଏବଂ ସେମାନଙ୍କ ପାଠ ପଢା ବିଷୟରେ ଜାଣିଲେ । କୁହାଯାଉଛି ଯେ ଏହା ପରେ ଅଭିନେତା ହଷ୍ଟେଲ ର୍ନିମାଣ ପାଇଁ ଏକ କୋଟି ଟଙ୍କା ଦେଇଛନ୍ତି । ନିକଟରେ ଅକ୍ଷୟ କୁମାରଙ୍କର ଏହି ହଷ୍ଟେଲ ସହିତ ଏକ ଦୀର୍ଘ ସମ୍ପର୍କ ରହିଛି । ଏହାର ପୁରୁଣା ହଷ୍ଟେଲ ଅକ୍ଷୟଙ୍କ ପିତାଙ୍କ ନାମରେ ନାମିତ ହୋଇଛି । ଏକ ବର୍ଷ ପୂର୍ବେ ଏହି ହଷ୍ଟେଲ ର୍ନିମାଣ ପାଇଁ ଅଭିନେତା ଏକ ସାହାଯ୍ୟ ହାତ ବଢାଇଥିଲେ । ହଷ୍ଟେଲର ନାମ ରାଜସ୍ଥାନ ବନବାସୀ କଲ୍ୟାଣ ପରିଷଦ ହରିଓମ ଆଶ୍ରୟ ହଷ୍ଟେଲ ରଖାଯାଇଥିଲା । ଅଭିନେତାଙ୍କ ପିତାଙ୍କ ନାମ ହରିଓମ ଭାଟିଆ । ବର୍ତ୍ତମାନ ଅକ୍ଷୟ ଏକ ଗର୍ଲସ୍ ହଷ୍ଟେଲ ର୍ନିମାଣ ପାଇଁ ଏକ କୋଟି ଟଙ୍କା ଦାନ କରିଛନ୍ତି ।