ଭୂପୃଷ୍ଠରୁ ୩ ହଜାର ଫୁଟ୍ ତଳେ ଗାଁ
ଶୀର୍ଷକ ପଢ଼ି ଆଶ୍ଚର୍ଯ୍ୟ ହେଉଥିବେ; କିନ୍ତୁ ଏହା ସମ୍ପୂର୍ଣ୍ଣ ସତ ।
ଦୁନିଆରେ ଏଭଳି ଏକ ଗାଁ ଅଛି, ଯାହା ଭୂପୃଷ୍ଠରୁ ପ୍ରାୟ ୩ହଜାର
ଫୁଟ୍ ତଳେ ଅବସ୍ଥିତ । ଗାଁକୁ ନେଇ ଏବେ ଇଣ୍ଟରନେଟ୍ରେ ଖୁବ୍
ଚର୍ଚ୍ଚା ଚାଲିଛି । ଆଡ୍ଭେଞ୍ଚର୍ ପ୍ରତି ରୁଚି ରଖୁଥିବା ଲୋକେ ଏ ଗାଁକୁ
ପ୍ରତିବର୍ଷ ବୁଲିବାକୁ ଆସିଥାନ୍ତି । ଆମେରିକାର ପ୍ରସିଦ୍ଧ ଗ୍ରାଣ୍ଡ୍
କ୍ୟାନିଅନ୍ ନିକଟରେ ସ୍ଥିତ ହବାସୁ କ୍ୟାନିୟନ୍ରେ ସୁପାଇ ନାମକ ଗାଁ
ରହିଛି । ଏହି ଗାଁ ଭୂଇଁ ତଳେ ଅବସ୍ଥିତ । ଏହାକୁ ଦେଖିବାକୁ
ପ୍ରତିବର୍ଷ ବିଶ୍ୱର ବିଭିନ୍ନ କୋଣ ଅନୁକୋଣରୁ ଲକ୍ଷ ଲକ୍ଷ ଲୋକ
ଆସିଥାନ୍ତି । ହବାସୁ କ୍ୟାନିଅନ୍ ନିକଟରେ ଏକ ବିଶାଳ ଗାତ ରହିଛି ।
ତା’ରି ଭିତରକୁ ପ୍ରବେଶ କଲେ ଗାଁର ରୂପରେଖ ଦେଖିବାକୁ ମିଳେ ।
ଗାଁର ଜନସଂଖ୍ୟା ମାତ୍ର ୨୦୮ । ବାହାର ଦୁନିଆ ସହ ଗାଁର ଆଦୌ
ସମ୍ପର୍କ ନାହିଁ । ଗାଁରେ ରେଡ୍ଇଣ୍ଡିଆନ୍ ରହୁଥିବା ସୂତ୍ରରୁ ଜଣାପଡ଼ିଛି ।
ଯେଉଁମାନେ ଆମେରିକାର ମୂଳ ନିବାସୀ ଭାବେ ପରିଚିତ । ଗାଁରେ
ଆବଶ୍ୟକୀୟ ସାମଗ୍ରୀ ସୀମିତ ହୋଇରହିଛି । ଆଧୁନିକ ଯୁଗ ସହ
ଗାଁର କୌଣସି ସ୍ପର୍ଶ ନାହିଁ । ତେବେ ଏ ଗାଁକୁ ପ୍ରବେଶ କରିବାକୁ
କଠିନରୁ ଅତି କଠିନ ଯାତ୍ରା କରିବାକୁ ପଡ଼ିଥାଏ ।