ନୂଆଦିଲ୍ଲୀ:ଭାରତ ପୂର୍ବରୁ ଅନେକ ଥର ସ୍ପଷ୍ଟ କରିସାରିଛି ଯେ ଜମ୍ମୁ-କାଶ୍ମୀର ଏବଂ ଲଦାଖ ଭାରତର ଅବିଚ୍ଛେଦ୍ୟ ଅଂଶ। ଭାରତ ଏହା ମଧ୍ୟ କହିଛି ଯେ ପାକିସ୍ତାନ ଭାରତର ଆଭ୍ୟନ୍ତରୀଣ ବ୍ୟାପାରରେ ହସ୍ତକ୍ଷେପ କରିବାର କୌଣସି ଅଧିକାର ନାହିଁ। ଭାରତର ମତକୁ ଏବେ ଅନ୍ତର୍ଜାତୀୟ ମଞ୍ଚରେ ଅଧିକ ସମର୍ଥନ ମିଳୁଛି ଏବଂ ପାକିସ୍ତାନର ଦାବିକୁ ଅଣଦେଖା କରାଯାଉଛି।
ଯେତେବେଳେ ସାରା ବିଶ୍ୱରେ ମୁସଲମାନମାନେ ତ୍ୟାଗ ଏବଂ ଭାଇଚାରାର ପର୍ବ ବକରୀଦ ପାଳନ କରୁଥିଲେ, ପାକିସ୍ତାନ ପୁଣି ଥରେ ଏହି ଧାର୍ମିକ ପର୍ବକୁ ରାଜନୀତିକରଣ କରିଛି । ଭାରତ ବିରୋଧୀ ଏଜେଣ୍ଡା ଏବଂ କାଶ୍ମୀର ଦଖଲ କରିବାର ଉଦ୍ଦେଶ୍ୟକୁ ଆଗକୁ ବଢ଼ାଇବା ପାଇଁ, ପାକିସ୍ତାନ ସେନା ମୁଖ୍ୟ ଜେନେରାଲ ଅସୀମ ମୁନିର ନିୟନ୍ତ୍ରଣ ରେଖା (LoC) ଯାଇ ସେଠାରେ ନିୟୋଜିତ ସୈନିକମାନଙ୍କୁ ଭେଟି କାଶ୍ମୀର ପ୍ରସଙ୍ଗକୁ ପୁଣି ଉଠାଇଛନ୍ତି | ଜେନେରାଲ ମୁନିର ଏହି ସମୟରେ ସେ ସାମ୍ପ୍ରତିକ ସୀମା ସଂଘର୍ଷର ଉଲ୍ଲେଖ କରିବା ସହ ଦାବି କରିଛନ୍ତି ଯେ ପାକିସ୍ତାନୀ ସେନା ଭାରତକୁ ଉପଯୁକ୍ତ ଜବାବ ଦେଇଛି। ମୁନିର ନିଜର ଆତ୍ମାପ୍ରଶଂସା କରି ସୈନିକମାନଙ୍କୁ କହିଥିଲେ ଯେ ସାମରିକ କାର୍ଯ୍ୟାନୁଷ୍ଠାନ ସମୟରେ ପାକିସ୍ତାନ ଭାରତ ବିରୁଦ୍ଧରେ ବିଜୟୀ ହୋଇଛି।
ଜେନେରାଲ ମୁନିର ଏହି ଅବସରରେ ପୁଣି ଥରେ କାଶ୍ମୀର ପ୍ରସଙ୍ଗ ଉଠାଇଥିଲେ । ସେ କହିଛନ୍ତି ଯେ ପାକିସ୍ତାନ କାଶ୍ମୀର ଲୋକଙ୍କ ‘ନ୍ୟାୟସଙ୍ଗତ ସଂଘର୍ଷ’କୁ ସମର୍ଥନ ଜାରି ରଖିବ ଏବଂ ଏହି ସମସ୍ୟାର ସମାଧାନ ଜାତିସଂଘର ପ୍ରସ୍ତାବ ଏବଂ ସେଠାକାର ଲୋକଙ୍କ ଆକାଂକ୍ଷା ଅନୁସାରେ ହେବା ଉଚିତ। ଏହି ବିବୃତ୍ତି ପାକିସ୍ତାନର ସ୍ଥାୟୀ ବୈଦେଶିକ ନୀତି ରଣନୀତିର ଏକ ଅଂଶ, ଯେଉଁଥିରେ ଧାର୍ମିକ କିମ୍ବା ରାଜନୈତିକ ପ୍ରତ୍ୟେକ ଅବସରରେ କାଶ୍ମୀର କାର୍ଡ ଖେଳିବା ସାମିଲ ରହିଛି।