ଶ୍ରୀରାମଙ୍କ ଭକ୍ତଙ୍କୁ ଆଲିଙ୍ଗନ କଲା ହନୁ
ଚମ୍ପୁଆ:ଅଯୋଧ୍ୟାରେ ପ୍ରଭୁ ଶ୍ରୀରାମ ରାମଲାଲା ଙ୍କ ପ୍ରାଣ ପ୍ରତିଷ୍ଠା ସମୟରେ ବିଭିନ୍ନ ଅଞ୍ଚଳରେ ଅଲୌକିକ ଆଶ୍ଚର୍ଯ୍ୟ ଜନକ ଘଟଣାମାନ ଘଟି ଚାଲିଛି । ପିଲାଦିନୁ ରାମ ଭକ୍ତ ଥିବା କେନ୍ଦୁଝର ଜିଲ୍ଲା ଚମ୍ପୁଆ ବ୍ଲକ ପଡୁଆ ପଞ୍ଚାୟତ ଅନ୍ତର୍ଗତ ମଙ୍ଗଳପୁର ଗ୍ରାମର କ୍ଷେତ୍ରବାସୀ ମହାନ୍ତ (୬୭) । ସେ ଚମ୍ପୁଆ ଯାଇଥିବା ବେଳେ କୋଟ ଉପଜିଲ୍ଲାପାଳ କାର୍ଯ୍ୟାଳୟ ପରିସରରେ ଏକ ଅସାଧାରଣ ଦୃଶ୍ୟ ଦେଖିବାକୁ ମିଳିଲା । ସେ ବସିଥିବା ସ୍ଥାନରେ ନିକଟସ୍ଥ ଗଛଡାଳ ରୁ ଏକ ହନୁ ମାଙ୍କଡ ଆସି ତାଙ୍କ ପାଖରେ ବସିଗଲା । ତାଙ୍କ ମୁଣ୍ଡକୁ ତିନି ଥର ଛୁଇଁବା ସହ ବାରମ୍ବାର ଆଲିଙ୍ଗନ କରିବାକୁ ଲାଗିଲା । ତାଙ୍କ ମୁହଁ କାନ ପାଖକୁ ଯାଇ କଣ କହି ଯାଉ ଦେଖି ସ୍ଥାନୀୟ ଲୋକେ ଆଶ୍ଚର୍ଯ୍ୟ ହୋଇଯାଇଥିଲେ । ଏହି ହନୁ ମାଙ୍କଡ ପ୍ରଭୁ ଶ୍ରୀରାମ ଙ୍କ ଭକ୍ତ ବୋଲି ସାଧାରଣରେ ଚର୍ଚ୍ଚା ହେଉଥିବା ଜାଣିବାକୁ ମିଳିଛି ।କ୍ଷେତ୍ରବାସୀ ତାଙ୍କୁ ଫଳ ମୂଳ ଖାଈବାକୁ ଦେଇଥିଲେ ସୁଦ୍ଧା ଅଳ୍ପ କେତୋଟି ଅଙ୍ଗୁର ଖାଇ ଚାଲି ଯାଇଥିଲା ।
