ରାଜନଗର : ରାଜନଗର ବ୍ଲକର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ କାର୍ଯ୍ୟରତ ଯୁବ ଡାକ୍ତର ଗୈାରାଙ୍ଗ ଘଡେଇ ଜଣେ ବିଷ ଖାଇଥିବା ରୋଗୀଙ୍କୁ ଗୁରୁତର ଅବସ୍ଥାରେ ଆମ୍ବୁଲାନ୍ସରୁ ବେଡକୁ ଟେକି ନେଇ ଶୁଆଇ ଚିକିତ୍ସା କରୁଥିବାର ଦୃଶ୍ୟ ଭାଇରାଲ ହେବାରେ ଲାଗିଛି । ଏହି ବ୍ଲକ କୋଇଲିପୁର ପଚାଂୟତ କାଙ୍କଦିଆ ଗ୍ରାମର ମାଗୁଣୀ ଜେନା(୬୦) କୈାଣସି କାରଣରୁ ବିଷ ପିଇ ଗୁରୁତର ହୋଇପଡିଥିଲେ । ଆମ୍ବୁଲାନ୍ସ ଯୋଗେ ପରିବାର ଲୋକେ ରାଜନଗର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ସାଥିରେ ଆସିଥିବା ମହିଳାମାନେ ମାଗୁଣୀଙ୍କୁ ବେଡକୁ ନେବା କଷ୍ଟକର ଥିଲା । ଏକଥା ଜାଣିବା ପରେ ଡାକ୍ତର ଘଡେଇ ଆମ୍ବୁଲାନ୍ସ ନିକଟକୁ ଆସି ମାଗୁଣୀଙ୍କୁ ଟେକିନେଇ ବେଡରେ ଶୁଆଇ ଦେଇଥିଲେ ଓ ଚିକିତ୍ସା କରିଥିଲେ । ତାଙ୍କ ଅବସ୍ଥା ଗୁରୁତର ଥିବାରୁ କେନ୍ଦ୍ରାପଡା ଜିଲ୍ଲା ମୁଖ୍ୟ ଚିକିତ୍ସାକେନ୍ଦ୍ରକୁ ପଠାଇ ଦିଆଯାଇଛି । ଯୁବ ଡାକ୍ତର ଘଡେଇଙ୍କ ମହାନତା ଭିଡିଓ ମୋବାଇଲରୁ ମୋବାଇଲକୁ ଘୁରି ବୁଲିବା ପରେ ସାଧାରଣରେ ତାଙ୍କୁ ପ୍ରଶଂସା କରାଯାଇଛି ।