ନୂଆଦିଲ୍ଲୀ: ୨୦୨୨ ମସିହାରେ, ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) ଆତଙ୍କବାଦୀ କାର୍ଯ୍ୟକଳାପ ଠାରୁ ଆରମ୍ଭ କରି ଡ୍ରଗ୍ ଚୋରା ଚାଲାଣକାରୀଙ୍କ ଉପରେ ଜବରଦସ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ୨୦୨୨ରେ ଏନ୍ଆଇଏ ମୋଟ ୭୩ ମାମଲା ପଞ୍ଜିକୃତ କରିଛି । ଯାହା ଗତ ୨୦୨୧ରେ ପଞ୍ଜୀକୃତ ୬୧ଟି ମାମଲା ତୁଳନାରେ ୧୯.୬୭ ପ୍ରତିଶତ ଅଧିକ । ଏନ୍ଆଇଏ ଚଳିତ ବର୍ଷ ୩୬୮ ଜଣଙ୍କ ବିରୋଧରେ ୫୯ଟି ଚାର୍ଜସିଟ୍ ଦାଖଲ କରିଛି । ସୂଚନାନୁସାରେ, ଏନଆଇଏ ସମୁଦାୟ ୪୫୬ ଅଭିଯୁକ୍ତଙ୍କୁ ଗିରଫ କରିଛି । ଏଥିମଧ୍ୟରୁ ୧୯ ଜଣ ଅଭିଯୁକ୍ତଙ୍କୁ ପଳାତକ ଘୋଷିତ କରାଯାଇଥିଲା । ଏଥିସହ ଦୁଇ ଅଭିଯୁକ୍ତଙ୍କୁ ଦେଶରୁ ବିତାଡିତ କରାଯିବା ପରେ ଏବଂ ଜଣେ ଅଭିଯୁକ୍ତଙ୍କୁ ପ୍ରତ୍ୟର୍ପଣ ପରେ ଗିରଫ କରାଯାଇଥିଲା । ଚଳିତ ବର୍ଷ ସାରା ଦେଶରେ ଘନଘନ ଚଢ଼ାଉ କରି ଏନଆଇଏ ଆତଙ୍କବାଦୀଙ୍କ ମୂଳଦୁଆକୁ ହଲାଇ ଦେଇଥିଲା । ୨୦୨୨ ମସିହାରେ ଏନଆଇଏ ୭୩ ଟି ମାମଲା ରୁଜୁ କରିଥିଲା, ସେଥିମଧ୍ୟରୁ ଜାମ୍ମୁ କାଶ୍ମୀର, ଆସାମ, ବିହାର, ଦିଲ୍ଲୀ, କର୍ଣ୍ଣାଟକ, କେରଳ, ମଧ୍ୟପ୍ରଦେଶ, ମହାରାଷ୍ଟ୍ର, ରାଜସ୍ଥାନ, ତାମିଲନାଡୁ, ତେଲେଙ୍ଗାନା ଏବଂ ପଶ୍ଚିମବଙ୍ଗରେ ଜିହାଦି ଆତଙ୍କବାଦ ମାମଲାରେ ୩୫ଟି ମାମଲା ରୁଜୁ ହୋଇଥିଲା । ୧୧ଟି ଜାମ୍ମୁ କାଶ୍ମୀର, ୧୦ଟି ମାଓବାଦ, ୫ଟି ଉତ୍ତର-ପୂର୍ବ, ୭ଟି ପିଏଫ୍ଆଇ ସହ ଜଡିତ, ପଞ୍ଜାବରେ ୪ଟି ମାମଲା, ଗ୍ୟାଙ୍ଗଷ୍ଟର-ଆତଙ୍କ-ଡ୍ରଗ୍ ଚୋରା କାରବାରକାରୀଙ୍କ ବିରୋଧରେ ୩ଟି ମାମଲା, ଗୋଟିଏ ଆତଙ୍କବାଦୀ ପାଣ୍ଠି ଏବଂ ୨ ଟି ନକଲି ମୁଦ୍ରା କାରବାର ବିରୋଧରେ ପଞ୍ଜିକୃତ ହୋଇଛି । ୨୦୨୨ ମସିହାରେ ୩୮ଟି ମାମଲାରେ ରାୟ ଆସିଛି ଯେଉଁଥିରେ ସମସ୍ତ ମାମଲାରେ ଅପରାଧ ପ୍ରମାଣିତ ହୋଇଛି । ୧୦୯ ଦୋଷୀଙ୍କୁ କଠୋର କାରାଦଣ୍ଡରେ ଦଣ୍ଡିତ କରାଯାଇଛି । ୬ ଦୋଷୀଙ୍କୁ ଆଜୀବନ କାରାଦଣ୍ଡ, ଅର୍ଥାତ୍ ଆଜୀବନ କାରାଦଣ୍ଡରେ ଦଣ୍ଡିତ କରାଯାଇଥିଲା । ମୋଟ ଉପରେ, ୯୪.୩୯ ପ୍ରତିଶତ ମାମଲାରେ ଦୋଷୀଙ୍କୁ ଦଣ୍ଡ ଦିଆଯାଇଛି ।