ନ୍ୟାସନାଲ କାଉନସିଲ ଅଫ୍ ଏଜୁକେସନାଲ ରିସର୍ଚ୍ଚ ଆଣ୍ଡ ଟ୍ରେନିଂ(ଏନସିଇଆରଟି) ଦ୍ୱାଦଶ ଶ୍ରେଣୀ ପାଇଁ ଉପଲବ୍ଧ ଇତିହାସ, ନଗର ବିଜ୍ଞାନ ଏବଂ ହିନ୍ଦୀ ପାଠ୍ୟଖସଡାରେ କିଛି ପରିବର୍ତ୍ତନ ଆଣିଛି । ଇତିହାସ ବହିରୁ ମୋଗଲ ସାମ୍ରାଜ୍ୟ ସହ ଜଡିତ ଅଧ୍ୟାୟକୁ ପାଠ୍ୟଖସଡାରୁ ହଟାଇଦେଇଛି । ଏତଦବ୍ୟତୀତ ହିନ୍ଦୀ ବହିରୁ ମଧ୍ୟ କିଛି କବିତା ଏବଂ ପାରାଗ୍ରାଫ୍କୁ ହଟାଇବାକୁ ନିଷ୍ପତ୍ତି ନେଇଛି । ସୂଚନା ଅନୁଯାୟୀ, ଥୀମ୍ସ ଅଫ୍ ଇଣ୍ଡିଆନ ହିଷ୍ଟ୍ରୀ-ପାର୍ଟ ୨ରୁ ମୋଗଲ ଦରବାର(ଷୋଡଶ ଏବଂ ସପ୍ତଦଶ ଶତାବ୍ଦୀ) ଏବଂ ଶାସକ ଓ ତାଙ୍କର ଇତିହାସ ସମ୍ବନ୍ଧିତ ଅଧ୍ୟାୟଗୁଡିକୁ ହଟାଯାଇଛି । ନଗର ବିଜ୍ଞାନ ବହିର ‘ୟୁଏସ ହିଜେମନୀ ଇନ ୱାଲ୍ଡ ପଲିଟିକ୍ସ’ ଏବଂ ‘ଦ କୋଲ୍ଡ ୱାର ଏରା’ ଭଳି ଅଧ୍ୟାୟଗୁଡିକୁ ହଟାଇ ଦିଆଯାଇଛି । ଏତଦବ୍ୟତୀତ ସ୍ୱତନ୍ତ୍ର ଭାରତରେ ରାଜନୀତିର ବହିରେ ‘ଜନ ଆନେ୍ଦାଳନର ଉଦୟ’ ଏବଂ ‘ଏକ ଦଳର ପ୍ରଭୂତ୍ୱର ସମୟ’ ବିଷୟକୁ ହଟାଯାଇଛି । ଏଥିରେ କଂଗ୍ରେସର ପ୍ରଭୂତ୍ୱର ପ୍ରକୃତି, ସୋଶିଆଲିଷ୍ଟ, କମୁ୍ୟନିଷ୍ଟ ପାର୍ଟି, କମୁ୍ୟନିଷ୍ଟ ପାର୍ଟି ଅଫ୍ ଇଣ୍ଡିଆ, ଭାରତୀୟ ଜନସଂଘ ଆଦି ବିଷୟ ରହିଛି । ଏନସିଇଆରଟି ହିନ୍ଦୀ ପାଠ୍ୟଖସଡାରେ କିଛି ପରିବର୍ତ୍ତନ ମଧ୍ୟ କରିଛି । ଏଥିରେ ହିନ୍ଦୀ ଆରୋହ ଭାଗ-୨ ବହିରୁ ଗୋରଖପୁରୀ ଗଜଲ ଏବଂ ଅନ୍ତରା ଭାଗ-୨ରୁ ସୂର୍ଯ୍ୟକାନ୍ତ ତ୍ରିପାଠୀ ନିରାଲାଙ୍କ ‘ଗୀତ ଗାନେ ଦୋ ମୁଝେ’କୁ ହଟାଇଦିଆଯାଇଛି । ଏହାଛଡା ବିଷ୍ଣୁ ଖରେଙ୍କ ‘ଏକ କାମ ଅର ସତ୍ୟ’କୁ ବି ହଟାଇ ଦିଆଯାଇଛି । ସେହିପରି କେବଳ ଦ୍ୱାଦଶ ଶ୍ରେଣୀ ନୁହେଁ, ଅଧିକନ୍ତୁ ଦଶମ ଏବଂ ଏକାଦଶ ଶ୍ରେଣୀ ବହିର କିଛି ଅଧ୍ୟାୟ ମଧ୍ୟ ହଟାଯାଇଛି ।