ମୁମ୍ବାଇ : ଅଯୋଧ୍ୟାରେ ରାମ ମନ୍ଦିରର ଉଦଘାଟନ ୨୨ ଜାନୁଆରୀରେ ଅନୁଷ୍ଠିତ ହେବ । ବର୍ତ୍ତମାନ ଏ ସମ୍ପର୍କରେ ପ୍ରସ୍ତୁତି ଚାଲିଛି । ଏହି ଭବ୍ୟ ଉତ୍ସବରେ ବଲିଉଡ ସେଲିବ୍ରେଟମାନଙ୍କୁ ମଧ୍ୟ ନିମନ୍ତ୍ରଣ କରାଯାଇଛି । ଏହି ତାଲିକାରେ ଅନେକ ନାମ ଅନ୍ତର୍ଭୁକ୍ତ । ରାମ ମନ୍ଦିର ପ୍ରାଣ ପ୍ରତିଷ୍ଠା ସମାରୋହ ପାଇଁ ଆଲିଆ ଭଟ୍ଟ ଏବଂ ରଣବୀର କପୁରଙ୍କୁ ନିମନ୍ତ୍ରଣ ମିଳିଛି ା ବଲିଉଡ ତାରକାଙ୍କ ଏକ ଫଟୋ ଭାଇରାଲ ହେଉଛି । ଯେଉଁଥିରେ ସେମାନେ ରାମ ମନ୍ଦିରର ନିମନ୍ତ୍ରଣ କାର୍ଡ ଧରିଥିବାର ନଜର ଆସିଛନ୍ତି । ଆଲିଆ ଭଟ୍ଟ ଏବଂ ରଣବୀର କପୁର ୨୨ ଜାନୁଆରୀ ୨୦୨୪ରେ ଅଯୋଧ୍ୟା ରାମ ମନ୍ଦିର ପ୍ରାଣ ପ୍ରତିଷ୍ଠା ନିମନ୍ତ୍ରଣ ପତ୍ର ଗ୍ରହଣ କରିଛନ୍ତି । ଦୁହିଁଙ୍କୁ ଆମନ୍ତ୍ରଣ କରିବାକୁ ଆରଏସଏସର ଅଖିଳ ଭାରତ ପ୍ରଚାର ପ୍ରମୁଖ ସୁନୀଲ ଆମ୍ବେକର, ଅଜୟ ମୁଦପେ ଏବଂ ମହାବୀର ଜେନା ଆସିଥିଲେ । ସେମାନଙ୍କ ବ୍ୟତୀତ ଦକ୍ଷିଣର ସୁପରଷ୍ଟାର ରଜନୀକାନ୍ତ, ପ୍ରଭାସ, କଙ୍ଗନା ରଣାୱତ ଏବଂ ବଲିଉଡର ଅନ୍ୟାନ୍ୟ ପ୍ରସିଦ୍ଧ ସେଲିବ୍ରିଟିଙ୍କୁ ସାମିଲ କରାଯାଇଛି । ରାଜନେତାଙ୍କ ବ୍ୟତୀତ ବଲିଉଡର ସେଲିବ୍ରିଟି, କ୍ରିକେଟର ଏବଂ ଶିଳ୍ପପତି ମଧ୍ୟ ଏଥିରେ ସାମିଲ । ଅଯୋଧ୍ୟାରେ ରାମ ମନ୍ଦିରର ଉଦଘାଟନକୁ ସ୍ମରଣୀୟ କରିବା ପାଇଁ ଜୋରଦାର ପ୍ରସ୍ତୁତି ଚାଲିଛି । ଏହାପୂର୍ବରୁ କଙ୍ଗନା ନିଜେ ମଧ୍ୟ କହିଛନ୍ତି ଯେ ସେ ରାମ ମନ୍ଦିରର ପବିତ୍ରତା ନିମନ୍ତ୍ରଣ ପାଇଛନ୍ତି । ଅମିତାଭ ବଚ୍ଚନ, ଅକ୍ଷୟ କୁମାର, ଅନୁପମ ଖେର, ମାଧୁରୀ ଦୀକ୍ଷିତ, ସତ୍ତି ଦେଓଲ, ଟାଇଗର ଶ୍ରଫ, ଆୟୁଷ୍ମାନ ଖୁରାନା, ଅଜୟ ଦେବଗନଙ୍କୁ ଡକାଯାଇଛି । ଏହା ବ୍ୟତୀତ ବଲିଉଡର ପ୍ରସିଦ୍ଧ ନିର୍ଦ୍ଦେଶକ ମଧୁର ଭଣ୍ଡାରକର ଏବଂ ସଞ୍ଜୟ ଲୀଲା ଭନସାଲୀଙ୍କୁ ମଧ୍ୟ ନିମନ୍ତ୍ରଣ କରାଯାଇଛି ।