ପରିବେଶ ସୁରକ୍ଷା କେବଳ ସରକାରଙ୍କ ଦାୟିତ୍ୱ ନୁହେଁ, ବରଂ ପ୍ରତ୍ୟେକ ନାଗରିକଙ୍କ ଦାୟିତ୍ୱ ।
ସଂଘର ଶତାବ୍ଦୀ ବର୍ଷ ଅବସରରେ ରାଷ୍ଟ୍ରୀୟ ସ୍ୱୟଂସେବକ ସଂଘ, ଜଳେଶ୍ଵର ନଗର ଓ ଖଣ୍ଡ, ବସ୍ତା, ବାଲିଆପାଳ ଓ ଭୋଗରାଇ ଖଣ୍ଡ ତରଫରୁ ଏକ “ପ୍ରମୁଖ ଜନ ସଂଗୋଷ୍ଠୀ” ଅନୁଷ୍ଠିତ ହୋଇଥିଲା । ଏହି ଅଞ୍ଚଳ ରେ ରହୁଥିବା ଅନେକ ପ୍ରମୁଖ ବ୍ୟକ୍ତିତ୍ୱ ସମ୍ମିଳନୀରେ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମରେ ରାଷ୍ଟ୍ରୀୟ ସ୍ୱୟଂସେବକ ସଂଘର ଓଡ଼ିଶା ପୂର୍ଵପ୍ରାନ୍ତ ର ସହପ୍ରାନ୍ତ କର୍ଯ୍ୟଵାହ ଆଦରଣୀୟ ଶ୍ରୀଯୁକ୍ତ ରବିନାରାୟଣ ପଣ୍ଡା ମୁଖ୍ୟ ବକ୍ତା ରୂପେ ଯୋଗଦେଇ ଥିଲେ । ସେ ସମାଜରେ ସଂଘର ଗଠନମୂଳକ ଭୂମିକା ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ସଂଗଠନର ଅଭାବ, ଆଚରଣରେ ଧର୍ମର ପରିତ୍ୟାଗ, ପରାଧୀନତା ସମୟରେ ସାଂସ୍କୃତିକ ଆତ୍ମ-ହିନତା ଏବଂ ସ୍ବାର୍ଥ କେନ୍ଦ୍ରିତ ଲାଳସା ଯୋଗୁଁ ସମାଜ ପତନ ଦିଗରେ ଅଗ୍ରସର ହେବା ସହିତ ପରାଧୀନ ହୋଇଗଲା। ତେଣୁ ଡକ୍ଟର ହେଡଗେୱାର ବ୍ୟକ୍ତିଗତ ଏବଂ ରାଷ୍ଟ୍ରୀୟ ଚରିତ୍ର ଯୁକ୍ତ ସମାଜ ନିର୍ମାଣ ପାଇଁ ସଂଘ ପ୍ରତିଷ୍ଠା କରିଥିଲେ। ଏହି ଉଦ୍ଦେଶ୍ୟରେ ସେ ଶାଖା ପଦ୍ଧତିର ବିକଶିତ କରିଥିଲେ। ପ୍ରଶିକ୍ଷିତ କାର୍ଯ୍ୟକର୍ତ୍ତାମାନେ ସାମାଜିକ ଜୀବନରେ ଭାରତ-କୈନ୍ଦ୍ରିକ ବିଚାର ଉପରେ ଆଧାରିତ ସଂଗଠନ ପ୍ରତିଷ୍ଠା କରିଥିଲେ। ଶ୍ରୀ ଗୁରୁଜୀ ସଂଘର ଆଦର୍ଶଗତ ଭିତ୍ତିଭୂମିକୁ ମଜବୁତ କରିଥିଲେ ଏବଂ ଏହାର କାର୍ଯ୍ୟକର୍ତ୍ତାମାନଙ୍କୁ ପ୍ରେରଣାଦାୟକ ନେତୃତ୍ୱ ପ୍ରଦାନ କରିଥିଲେ। ତାଙ୍କର ଅଲୌକିକ ନେତୃତ୍ୱ ମାଧ୍ୟମରେ ସେ ସମାଜର ପ୍ରମୁଖ ଲୋକମାନଙ୍କ ସହିତ ସଂବାଦ କରିଥିଲେ ଏବଂ ସଂଘର କାର୍ଯ୍ୟକୁ ଆଗକୁ ବଢାଇଥିଲେ।
ସେ କହିଥିଲେ ଯେ ସଂଘର କାର୍ଯ୍ୟକର୍ତ୍ତାମାନେ ସର୍ବଦା ବିପର୍ଯ୍ୟୟ ସମୟରେ ଆଗରେ ରହିଆସିଛନ୍ତି। ଜରୁରୀକାଳୀନ ପରିସ୍ଥିତି ସମୟରେ ସ୍ବୟଂସେବକମାନେ ଗଣତନ୍ତ୍ର ପୁନରୁଦ୍ଧାର ପାଇଁ ଅପାର କଷ୍ଟ ସହିଥିଲେ। ଶ୍ରୀରାମ ଜନ୍ମଭୂମି ମୁକ୍ତି ଆନ୍ଦୋଳନ ଏବଂ ସ୍ୱଦେଶୀର ଭାବନାର ଜାଗରଣରେ ସଂଘର କାର୍ଯ୍ୟ ସର୍ବବିଦିତ । ସଂଗଠନର ବିସ୍ତାର ସହିତ ସମାଜ ପରିବର୍ତ୍ତନ ପାଇଁ ବିଭିନ୍ନ କାର୍ଯ୍ୟ ଏକଲ ବିଦ୍ୟାଳୟ ଏବଂ ଏକ ଲକ୍ଷରୁ ଅଧିକ ସେବା ପ୍ରକଳ୍ପ ଭଳି ବିଭିନ୍ନ କାର୍ଯ୍ୟ ସମାଜର ସମର୍ଥନରେ ଚାଲିଛି। ସମାଜକୁ ସଂଗଠିତ କରିବା ହେଉଛି ସଂଘର ଲକ୍ଷ୍ୟ । ଆମକୁ ସମାଜରେ ସମାଧାନ ଖୋଜିବା ପାଇଁ କାମ କରିବାକୁ ପଡିବ, ଆମ ଜୀବନରେ ଏକ ଉଦାହରଣ ସ୍ଥାପନ କରିବାକୁ ପଡିବ। ଭାରତରେ ବିବିଧତାରେ ଏକତା ଅଛି ବୋଲି କୁହାଯାଏ। ତଥାପି ଆମ ଦେଶରେ ଏକରୁ ଅନେକ ସୃଷ୍ଟି ହୋଇଛି। ଏକର ଅଭିବ୍ୟକ୍ତି ବିଭିନ୍ନ ରୂପରେ ପ୍ରକାଶ ପାଇଛି। ତେଣୁ ଏଥିପାଇଁ କୁହାଯାଇଛି ଯେ “ଏକତାରେ ବିବିଧତା”। ବର୍ଷା ପ୍ରତିପଦ, ଚତୁର୍ମାସ ଏବଂ ମକର ସଂକ୍ରାନ୍ତି ଭଳି ସାଂସ୍କୃତିକ ଉତ୍ସବ ଗୁଡିକର ସମଗ୍ର ଭାରତରେ ବିଶେଷ ମହତ୍ବ ରହିଛି । ଏହା ଏକତ୍ମତାର ପ୍ରତୀକ।
ଭାରତୀୟ ସଂସ୍କୃତିରେ ପ୍ରକୃତିକୁ ମାତା ଭାବରେ ବିବେଚନା କରାଯାଏ। ପ୍ରକୃତି ବିନା କୌଣସି ବିକାଶ ସମ୍ଭବ ନୁହେଁ। ପରିବେଶ ସୁରକ୍ଷା କେବଳ ସରକାରଙ୍କ ଦାୟିତ୍ୱ ନୁହେଁ, ବରଂ ପ୍ରତ୍ୟେକ ନାଗରିକଙ୍କ ଦାୟିତ୍ୱ। ଆମର ସ୍ଲୋଗାନ ହେଉଛି: “ଗଛ ଲଗାଅ, ପାଣି ବଞ୍ଚାଅ ଏବଂ ପ୍ଲାଷ୍ଟିକ୍ ହଟାଅ ।”
ସେ ପଞ୍ଚ ପରିବର୍ତ୍ତନର ଗୁରୁତ୍ୱ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିଥିଲେ – ସାମାଜିକ ସମରସତା, କୁଟୁମ୍ଭ ପ୍ରବୋଧନ, ନାଗରିକ କର୍ତ୍ତବ୍ୟ,ସ୍ବ-ବୋଧ ଏବଂ ପରିବେଶ ସୁରକ୍ଷା। ସେ କହିଥିଲେ ଯେ ପ୍ରତ୍ୟେକ ଭାରତୀୟ ପରିବାର ସେମାନଙ୍କର ପୂର୍ବପୁରୁଷଙ୍କ କାହାଣୀଗୁଡ଼ିକୁ ମନେ ରଖିବା ଉଚିତ ଏବଂ ନୂତନ ପିଢ଼ିରେ ସାମାଜିକ ଏବଂ ରାଷ୍ଟ୍ରୀୟ ଦାୟିତ୍ୱର ଭାବନା ସୃଷ୍ଟି କରିବା ଉଚିତ ।
ମଞ୍ଚରେ ବାଲେଶ୍ବର ଜିଲ୍ଳା ସଂଘଚାଳକ ମାନନୀୟ ଶୁଭ୍ରାଂଶୁ ଶେଖର ଦାସ ମହାପାତ୍ର ମହୋଦୟ ଓ ସଯୋଜକ ଶିବନାରାୟଣ ଗିରି ମଞ୍ଚ ଉପରେ ଉପସ୍ଥିତ ଥିଲେ ।