ଆରମ୍ଭ ହେଲା ବାହୁଡ଼ା ପ୍ରସ୍ତୁତି। ଆରମ୍ଭ ହୋଇଛି ୩ ରଥର ଦକ୍ଷିଣ ମୋଡ଼ ପ୍ରକ୍ରିୟା। ଗତକାଲି ପ୍ରଥମେ ରଥରେ ବ୍ରେକ ଓ ଦଉଡି ସଂଯୋଗ କରାଯାଇ ଦର୍ପଦଳନ ରଥକୁ ଦକ୍ଷିଣମୋଡ କରାଯାଇଥିଲା । ପରେ ତାଳଧ୍ବଜ ଟଣାଯାଇ ନାକଚଣା ଦ୍ବାର ନିକଟକୁ ଅଣାଯାଇଛି। ତେବେ ରାତି ଓ ବର୍ଷା ହୋଇଯିବାରୁ ମହାପ୍ରଭୁ ନନ୍ଦିଘୋଷ ରଥ ଦକ୍ଷିଣମୋଡ଼ କରାଯାଇ ନ ଥିଲା। ଜୁଲାଇ 3ରେ ନନ୍ଦିଘୋଷ ରଥର ହେବ ଦକ୍ଷିଣ ମୋଡ। ସକାଳ ୯ଟା ବେଳେ ନନ୍ଦିଘୋଷ ରଥକୁ ଦକ୍ଷିଣ ମୋଡ଼ କରାଯିବ । ଆସନ୍ତାକାଲି ଶୁକ୍ରବାର ମହାପ୍ରଭୁଙ୍କ ସନ୍ଧ୍ୟାଦର୍ଶନ । ବାହୁଡା଼ ନୀତି ଶୃଙ୍ଖଳିତ କରିବାପାଇଁ ସନ୍ଧ୍ୟା ଦର୍ଶନ ସମୟ ସଂକୁଚିତ କରାଯାଇଛି । ସେହି ଦିନ ସନ୍ଧ୍ୟା ୭ ଟାରୁ ସର୍ବସାଧାରଣ ଦର୍ଶନ ବନ୍ଦ ରହିବ ।