ଅହମ୍ମଦାବାଦ: ଗୁଜୁରାଟର ଅହମ୍ମଦାବାଦରେ ଦୁର୍ଘଟଣାଗ୍ରସ୍ତ ହୋଇଥିବା ଏୟାର ଇଣ୍ଡିଆ ବିମାନରେ ମୋଟ ୨୪୨ ଜଣ ଯାତ୍ରୀ ଥିଲେ। ବିମାନଟି ଲଣ୍ଡନ ପାଇଁ ଉଡ଼ାଣ ଭରିବା ଆରମ୍ଭ କରିଥିଲା। କିନ୍ତୁ ହଠାତ ଏହା ଦୁର୍ଘଟଣାଗ୍ରସ୍ତ ହୋଇଥିଲା। ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ଏବଂ ଘଟଣାସ୍ଥଳରେ ରିଲିଫ ଏବଂ ଉଦ୍ଧାର କାର୍ଯ୍ୟ ଜାରି ରହିଛି।
ଗୁଜୁରାଟର ଅହମ୍ମଦାବାଦରେ ଏୟାର ଇଣ୍ଡିଆର ବୋଇଂ ୭୮୭-୮ ଯାତ୍ରୀବାହୀ ବିମାନ ଦୁର୍ଘଟଣାଗ୍ରସ୍ତ ହୋଇଛି। ପିଟିଆଇ ଅନୁଯାୟୀ, ବିମାନବନ୍ଦରରୁ ଉଡ଼ାଣ ଭରିବା ପରେ, ବିମାନଟି ମେଘନାନୀ ନଗର ଅଞ୍ଚଳର ଏକ ମେଣ୍ଟାଲ ହସ୍ପିଟାଲ ଉପରେ ପଡ଼ିଥିଲା। ଏହି ବିମାନରେ ମୋଟ ୨୪୨ ଜଣ ଥିଲେ, ଯେଉଁଥିରେ ୨ ଜଣ ପାଇଲଟ, ୧୦ ଜଣ କ୍ରୁ ସଦସ୍ୟ ଏବଂ ୨୩୦ ଜଣ ଯାତ୍ରୀ ଥିଲେ।
କେଉଁ ଦେଶର କେତେ ଜଣ ଯାତ୍ରୀ?
ଏୟାର ଇଣ୍ଡିଆ ଦ୍ୱାରା ଦିଆଯାଇଥିବା ସୂଚନା ଅନୁଯାୟୀ, ବୋଇଂ ୭୮୭-୮ ଅପରାହ୍ନ ୨:୩୮ ରେ ଉଡ଼ାଣ ଭରିବା ଆରମ୍ଭ କରିଥିଲା। ଏଥିରେ ୧୨ ଜଣ କ୍ରୁ ସଦସ୍ୟ ସମେତ ୨୪୨ ଜଣ ଯାତ୍ରୀ ଥିଲେ, ବାକି ୨୩୦ ଯାତ୍ରୀଙ୍କ ମଧ୍ୟରୁ ସର୍ବାଧିକ ୧୬୯ ଜଣ ଭାରତୀୟ ଥିଲେ। ୫୩ ଜଣ ବ୍ରିଟିଶ ନାଗରିକ, ୧ ଜଣ କାନାଡାର ଏବଂ ୭ ଜଣ ପର୍ତ୍ତୁଗୀଜ ନାଗରିକ ଥିଲେ। ଏୟାର ଇଣ୍ଡିଆ ଅନୁଯାୟୀ, ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଉଛି।