ନୂଆଦିଲ୍ଲୀ : ମୁଖ୍ୟ ନିର୍ବାଚନ କମିଶନର ରାଜୀବ କୁମାର ପ୍ରଥମ ପର୍ଯ୍ୟାୟ ଭୋଟ ପୂର୍ବରୁ ମତଦାନରେ ଉତ୍ସାହର ସହ ଅଂଶଗ୍ରହଣ କରିବାକୁ ଭୋଟରଙ୍କୁ ନିବେଦନ କରିଛନ୍ତି । ପ୍ରଥମ ପର୍ଯ୍ୟାୟ ଭୋଟ ପୂର୍ବରୁ ଦେଶର ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଆସନ୍ତା ୨୦୨୪ ସାଧାରଣ ନିର୍ବାଚନରେ ଭାଗ ନେବାକୁ ଭୋଟରଙ୍କୁ ଅନୁରୋଧ କରିଛନ୍ତି । ଗଣତନ୍ତ୍ରରେ ଭୋଟ ଦେବାର ଗୁରୁତ୍ୱ ଉପରେ ରାଜୀବ କୁମାର କହିଛନ୍ତି ଯେ ନିର୍ବାଚନ ହେଉଛି ଦେଶର ଗଣତନ୍ତ୍ରର ସବୁଠାରୁ ସୁନ୍ଦର ଅଭିବ୍ୟକ୍ତି । ମୁଖ୍ୟ ନିର୍ବାଚନ କମିଶନର ରାଜୀବ କୁମାର ଜୋର ଦେଇ କହିଛନ୍ତି ଯେ, ଗୋଟିଏ ଭୋଟର ଶକ୍ତିକୁ କେବେ ବି ଅଣଦେଖା କରିବା ଉଚିତ ନୁହେଁ, କାରଣ ଅନେକ ଉଦାହରଣ ରହିଛି ଯେତେବେଳେ ଏକ ଗୁରୁତ୍ୱପୂର୍ଣ୍ଣ ମୁକାବିଲାରେ ଗୋଟିଏ ଭୋଟ୍ ଗୁରୁତ୍ୱପୂର୍ଣ୍ଣ । ଏହି ନିର୍ବାଚନ ସମସ୍ତଙ୍କ ଗର୍ବ ବୋଲି ସେ ଗୁରୁତ୍ୱାରୋପ କରିଥିଲେ । ଶ୍ରୀ କୁମାର ଭୋଟରମାନଙ୍କୁ ନିଜର ଗଣତାନ୍ତ୍ରିକ ଦାୟିତ୍ୱ ବୁଝିବା ପାଇଁ ନିବେଦନ କରି କହିଛନ୍ତି ଯେ ନିର୍ବାଚନ ଲୋକଙ୍କର ଏବଂ ପସନ୍ଦ ସେମାନଙ୍କର । ସେମାନେ ନିଜ ପରିବାର, ପିଲା, ଗାଁ, ସହର ଓ ଦେଶ ପାଇଁ ଏହା କରିବା ଉଚିତ ବୋଲି ସେ କହିଛନ୍ତି । ଜନସାଧାରଣଙ୍କ ବିବେକପୂର୍ଣ୍ଣ ଏବଂ ଉତ୍ସାହଜନକ ଅଂଶଗ୍ରହଣ ଉପରେ ମୁଖ୍ୟ ନିର୍ବାଚନ କମିଶନର ଗୁରୁତ୍ୱାରୋପ କରିଥିଲେ । ଭୋଟ ଅଭିଜ୍ଞତାକୁ ଶାନ୍ତିପୂର୍ଣ୍ଣ, ଆରାମଦାୟକ ଏବଂ ଉପଭୋଗ୍ୟ କରିବା ପାଇଁ ଭାରତର ନିର୍ବାଚନ ଆୟୋଗ କଠିନ ପରିଶ୍ରମ କରିଛି । ସାଧାରଣ ନିର୍ବାଚନ ୨୦୨୪ ର ପ୍ରଥମ ପର୍ଯ୍ୟାୟ ପାଇଁ ଭୋଟ ଏପ୍ରିଲ ୧୯ରେ ୧୦୨ ଟି ସଂସଦୀୟ ନିର୍ବାଚନମଣ୍ଡଳୀ (ଜେନେରାଲ୭୩; ଏସଟି-୧୧; ଏସସି-୧୮) ଏବଂ ୨୧ ଟି ରାଜ୍ୟ /କେନ୍ଦ୍ର ଶାସିତ ଅଞ୍ଚଳ ମଧ୍ୟରେ ୯୨ ଟି ବିଧାନସଭା ନିର୍ବାଚନ ପାଇଁ ଗୋଟ ଗ୍ରହଣ କରାଯିବ । ଅରୁଣାଚଳ ଏବଂ ସିକ୍କିମରେ ମଧ୍ୟ ଏକକାଳୀନ ରାଜ୍ୟ ବିଧାନସଭା ନିର୍ବାଚନ ଅନୁଷ୍ଠିତ ହେଉଛି । ଏଥିରେ ସମସ୍ତ ପର୍ଯ୍ୟାୟ ତୁଳନାରେ ସଂସଦ ନିର୍ବାଚନମଣ୍ଡଳୀ ସଂଖ୍ୟା ସର୍ବାଧିକ । ମତଦାନ ସକାଳ ୭ଟାରୁ ଆରମ୍ଭ ହୋଇ ସଂଧ୍ୟା ୬ଟାରେ ଶେଷ ହେବ । ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ, ୧୮ ଲକ୍ଷରୁ ଅଧିକ ମତଦାନ ଅଧିକାରୀ ପ୍ରଥମ ପର୍ଯ୍ୟାୟରେ ୧୬.୬୩ କୋଟିରୁ ଅଧିକ ଭୋଟରଙ୍କୁ ସ୍ୱାଗତ କରିବେ । ଏଥିପାଇଁ ୧.୮୭ ଲକ୍ଷ ମତଦାନ କେନ୍ଦ୍ର ସୃଷ୍ଟି କରାଯାଇଛି । ଭୋଟରଙ୍କ ମଧ୍ୟରେ ୮.୪ କୋଟି ପୁରୁଷ ଅଛନ୍ତି, ୮.୨୩ କୋଟି ମହିଳା ଏବଂ ୧୧.୩୭୧ ତୃତୀୟ ଲିଙ୍ଗ ଭୋଟର ଅଛନ୍ତି । ପ୍ରଥମ ଥର ପାଇଁ ୩୫.୬୭ ଲକ୍ଷ ଭୋଟର ଭୋଟ ଦେବାକୁ ଯାଉଛନ୍ତି । ୨୦- ୨୯ ବର୍ଷ ବୟସ ବର୍ଗରେ୩.୫୧ କୋଟି ଯୁବ ଭୋଟର ଅଛନ୍ତି ।