ନୋୟେଡା : ଭାରତରେ ପ୍ରଥମ ଥର ଅନୁଷ୍ଠିତ ହେଉଥିବା
ମୋଟୋ ଜିପି ରେସରେ ପ୍ରଥମ ଦିନ ଏକ ବଡ଼ ବିବାଦ ଦେଖାଦେଇଛି ।
ଉତ୍ତରପ୍ରଦେଶ ଗ୍ରେଟର ନୋୟେଡାସ୍ଥିତ ବୁଦ୍ଧ ଇଣ୍ଟରନ୍ୟାସନାଲ ସର୍କିଟରେ
ଆୟୋଜିତ ହେଉଥିବା ଏହି ମୋଟର ବାଇକ୍ ରେସ୍ରେ ଶୁକ୍ରବାର ପ୍ରାକ୍ଟିସ୍ ସେସନ
କାଳରେ ଟିଭି ସ୍କ୍ରିନରେ ଭାରତର ଭୁଲ ମ୍ୟାପ୍ ଚଲାଇ ଦିଆଯାଇଥିଲା । ଯାହାକୁ
ନେଇ ଚାଞ୍ଚଲ୍ୟ ଖେଳିଯାଇଥିବା ବେଳେ ବିବାଦର ସୂତ୍ରପାତ ହୋଇଥିଲା । ଦର୍ଶକେ
ରେସ୍ ବ୍ରଡକାଷ୍ଟରଙ୍କ ତ୍ରୁଟିକୁ ଭିଡିଓ କରି ସୋସିଆଲ ମିଡିଆରେ ଅପଲୋଡ
କରିଦେଇଥିଲେୟ ଫଳରେ ବିବାଦ ବଢି ଯାଇଥିଲାୟ ପରିସ୍ଥିତି ଅଣାୟତ୍ତ ହେବାରୁ
ମୋଟୋ ଜିପି ପକ୍ଷରୁ ଅଧିକାରୀକ ବୟାନ ଜାରି କରାଯାଇ ଭାରତକୁ କ୍ଷମା
ନିବେଦନ କରାଯାଇଛି । ୨୪ ସେପ୍ଟେମ୍ବର ରବିବାର ମୋଟୋ ଜିପି ରେସ୍ ପୂର୍ବରୁ
ଶୁକ୍ରବାର ପ୍ରଥମ ଥର ପ୍ରାକ୍ଟିସ୍ ରେସ୍ ଆୟୋଜନ କରାଯାଇଥିଲା । ଏହି ସମୟରେ
ସ୍କ୍ରିନ୍ରେ ଭାରତର ଭୁଲ ମାନଚିତ୍ର ଚଲାଇ ଦିଆଯାଇଥିଲା । ଏଥିରେ ଜମ୍ମୁ-କାଶ୍ମୀର
ଓ ଲଦ୍ଦାଖର ସମ୍ପୂର୍ଣ୍ଣ ଅଞ୍ଚଳକୁ ଭାରତ ମାନଚିତ୍ରରେ ଦେଖାଇ ନଥିଲାୟ ଉପସ୍ଥିତ
ଦର୍ଶକେ ସୋସିଆଲ ମିଡିଆରେ ଏହି ତ୍ରୁଟିକୁ ହାଇଲାଇଟ୍ କରିଥିଲେ । ତେବେ
ମୋଟୋ ଜିପି ପକ୍ଷରୁ ତୁରନ୍ତ ପ୍ରସଙ୍ଗରେ ପଦକ୍ଷେପ ନିଆଯାଇଥିଲା ଓ ଭୁଲ ସ୍୍ୱୀକାର
କରି କ୍ଷମା ନିବେଦନ କରାଯାଇଥିଲା । ଏ ନେଇ ଜାରି ବୟାନରେ ମୋଟୋ ଜିପି
କହିଛନ୍ତି ଯେ ପ୍ରସାରଣ କାଳରେ ଦେଖାଯାଇଥିବା ମାନଚିତ୍ର ନିମନ୍ତେ
ଫ୍ୟାନସ୍ଙ୍କଠାରୁ କ୍ଷମା ନିବେଦନ କରୁଛୁ ।